قلوب ارهقها نبضها الفصل السادس عشر بقلم نرمين قدري
انت في الصفحة 1 من 3 صفحات
الفصل السادس عشر
عواطف حقك عليا انا يا حاجة دي غلطتي انا ها مشي ولما مسك تحب تشوفنا تبقي تجلنا بالعواف متاخذنيش علي الازعاج وان انا جيت من غير اذن
مسك مرات ابويا استني انا جاية معاكي
خبطت عواطف علي صدرها يالهوي بتقولي ايه يا مسك
يالهوي يالهوي الناس تاكل وشنا لما عروسة ترجع يوم صباحيتها حيقول علينا اية
بقول انا جاية معاكي البيت اللي معتبرنا مش قد المقام يبقي ملناش قاعده فيه ولا ثانية
نزل بيجاد وماجد وأمجد وسمعوا كل ما يحدث اسفل
قال بيجاد بصوت مرتفع
مسك انتي بتقولي ايه يعني تمشي معاها ايه ملكيش راجل ترجعيله ولا هي سايبة انتي ناسيه يا هانم انك اتجوزتي واسمك علي اسمي ولازم تاخدي أذني حتي في النفس اللي خارج منك ده مش تخرجي مع نفسك كده
بيجاد في ايه براحة عليها شوية انت محضرتش موضوع من الاول فاطمة هي اللي استفزتها
قال بيجاد مؤكد علي كلام أخته
لا سامع يا مروة الكلام من الأول مرتضتش اتدخل علشان امي هنا هي كبيرة القاعده ماكنش ينفع ادخل بس من واضح أن فاطمة مرات اخوكي مش بتكبر لحد
رفعت فاطمة حاجبها وقالت
قالت مسك يقهر
تشكري يابنت الأصول بس لو طلع العيب من اهل العيب مبيبقاش عيب
ثم التفتت الي زوجة أبيها وقالت
يلا يا مرات ابويا بينا علشان منوسخش ولاد الأكابر بقعدتنا معاهم
بيجاد بصوت رج اركان السرايا
ندي سحبت مسك من يدها وقالت لها
تعالي معايا يا مسك علشان خاطري اطلعي يلا علي اوضتك انتي صحتك مش هتستحمل كل ده
مسك بدموع عاجبك كده يا ندي
ندا بحزن عليها
معلش تعالي بس واستهدي بالله دلوقتي ربنا يروق الحال
نظرت اشجان لماجد نظره بمعناها لم مراتك
ماجد پحده وقد فاض به الكيل
فاطمة تعالي معايا علي فوق
ثم الټفت اشجان الي عواطف وقالت
خشي اقعدي يا عواطف فطرتي. ولا لسة اخلي البت روحية تحضرلك فطار
قالت عواطف بكسره
متأخذنيش يا حاجة انا لازم امشي معلش البيت لوحده و الف مبروووك وعقبال البكاري بالاذن
لاول مرة تصعب عليها مسك و تحزن علي ما بنظرها من مصير
قالت عواطف في نفسها بحسرة
يالهوي يا مسك ايه ربنا يكون في عونك يا بنتي هيفضلو يسمموا عشتك العمر كله كده هتفضلي في عنيتهم بنت فايز كلاف البهايم يا حسره عليكي
وفي السرايا
وفجاءة بيجاد طلع يجري كأنه افتكر
