باسم قانون الحب الفصل السادس

-اوعى تسوق ي طارق الفرامل مفكوكة انزل من العربية بسرعة انا شوفت واحد بيفكها ليك 
طارق بص ف المراية ولاحظ وجود عربية وراه: انت فين ي ايهاب ؟!
ايهاب: انا ف العربية المتفيمة اللى ف الجنب التانى حاول تبين ان فيه عطل او حاجة واعمل نفسك بتطلب اوبر انا كده وفيه واحد من رجالتنا هيجيلك دلوقتى
نزل طارق من العربية وبص عليها وعمل ان فيه عطل لما قطع اسلاك معينة منها ومسك فونه وعمل اتصال وبعد ربع ساعة جاله الاوبر اخده 

واحد من اللى ف العربية: الو ي مرتضى بيه العملية متمتش
مرتضى: نعم يعنى ايه متمتش وازاى؟!
........: والله ي فندم احنا فكينا الفرامل بس تقريبا كان فيه عطل تانى بالعربية عشان كده مساقش ونزل طلب اوبر
كمال كان قاعد وسامع كل حاجة لان الميك كان مفتوح مسك الفون من مرتضى ورزعه بالارض: يعنى ايه كل مرة انصبله الفخ يطلع منه ايه مخاوى؟ ولا يكونش فيه دسيس وسطنا بينقله اخبارنا
مرتضى: لا طبعا ي باشا لو كان فيه حد زى ما بتقول كان اتعرف من زمان هو حظ
كمال: متعصبنيش انت كمان كل مرة يفلت تقولى حظ ازاى يعنى 
مرتضى: يا باشا طب اؤمر 
كمال: لا المرة دى انا اللى هعمل بنفسى مش هعتمد عليك كل مرة تقولى اؤمر ومفيش حاجة بتتم اتفضل روح ع مكتبك
خرج مرتضى وهو عمال يلعن فيه ...كمال: ماشى ي طارق بيه هنشوف مين فينا هيضحك ف الاخر

عند طارق اللى كان بيضحك: انا نفسى اشوف منظره دلوقتى بجد عامل ازاى!
ايهاب: اكيد مولع ڼار ضربتين ف الراس توجع
طارق: بس انت عرفت ازاى بحكاية الفرامل دى ؟
ايهاب: بعد الجلسة شوفتك وانت نازل مع رقية ولاحظت مرتضى كان واقف مع اللى كانوا بالعربية وبيشاور عليك عرفت ان نيته مش خير نزلت ركبت العربية ومشيت وراهم بدون ما حد يحس وشوفتهم وهما بيفكوا الفرامل طبعا حاولت ارن عليك كذا مرة معاليك مبتردش ومأخدتش بالى اصلا انك نزلت 

طارق: بس هو كده عرف طريق رقية وممكن يحاول يإذيها 
ايهاب: متقلقش حاطط عيون لينا هناك لانى خمنت كده برضه اطمن هتكون بخير
طارق بامتنان: شكرا ي صاحبى
ايهاب: حبيبى المهم مقولتليش ازاى اقنعت محمد انه يشتغل تبعك عند كمال ؟!
طارق: لما عرفت بالحقيقة كلها روحت لمحمد الورشة بتاعته وعرفته كل حاجة ووريته الادلة كمان وقتها كان بيبكى بالدموع انه كڈب اخته واتخلى عنها ومشى ورا الشيطان اللى اسمه كمال وقالى انه كمال عاوزه يشتغل معاه ف الشركة عرفت انه هياخده كبش فدى زى غيره عشان كده طلبت منه يدوس معاه من جهة هينتقم منه ع اللى عمله ف اخته وانه فرق بينهم ومن جهة هيكشفوا ليا واقفل ملف قضيته للابد
ايهاب: كويس انه وافق
طارق: محمد معدنه كويس بس الشيطان اللى اسمه كمال اللى كان السبب ف كل ده
ايهاب: طب وبعدين ناوى ع ايه؟!
طارق: لازم محمد ياخد بوينت عند كمال عشان يتقرب منه ويأمن يحكيله ع اسراره لو وقع ف ايدنا الملفات يبقى صاحبك اصبح ف خبر كان
ايهاب: ع الله التساهيل استأذن انا بقا 
طارق: خدنى معاك انا هلكان وعاوز انام