باسم قانون الحب الفصل السادس

فى اليوم التالى فى شركة كمال ...محمد: خير ي كمال بيه حضرتك طلبت تشوفنى؟
كمال: تعال ي محمد عاوزك ...انت متعرفش حاجة عن رقية؟!
محمد: لا معرفش وميهمنيش انى اعرف عنها حاجة اصلا
كمال: اختك خرجت من القضية عارف ليه عشان فيه ظابط هو اللى طلعها ومش بس كده ده اخدها معاه شقته 
محمد پغضب: بنت ال*** يعنى طلعت كده فعلا انا لازم اغسل عارى بايدى
كمال: اهدى ي محمد انت كده بتفكر غلط
محمد: امال عاوزنى اعمل ايه اروح اخدها بالحضن واقولها برافو عليكى 
كمال: لا مش كده احنا لازم نكسر شوكة اللى مقويها ع كده 
محمد: يعنى ايه؟!
كمال: اقصد بدل ما تخ*لص عليها هى خ*لص عليه هو وقتها هتكون لوحدها تقدر تسيطر عليها وانا هخلصك منها
محمد: ازاى؟
كمال: هتجوزها واستر عليها 
محمد: ايوة بس ده ظابط انا ممكن اروح ف داهية
كمال: ما هو فيه عقل تفكر بيه ممكن تخ*لص عليه بدون ما تستخدم اس*لحة فاهمنى 
محمد: الموضوع محتاج وقت وتفكير وتخطيط 
كمال: خد وقتك واى حاجة تعوزها انا معاك 
محمد: ممكن اروح اصل حاسس انى تعبان ومش مركز
كمال: طبعا ي حبيبى روح وارتاح
مشى محمد وكان مرتضى قاعد وسامع كل حاجة ...مرتضى: انت واثق انه هيعملها؟!
كمال: والله انا حاولت ودسيت السم الدور والباقى عليه نجح اهو هيخ*لصنا منه من غير ما نبان ف الكدر منجحش هيروح ورا الشمس وده المطلوب برضه
مرتضى: استاذ ورئيس قسم 
روح محمد وطلع فونه التانى واتصل ع طارق اللى اول ما شاف الرقم رد ع طول: ها ي محمد فيه جديد؟
محمد: طارق بيه حضرتك فعلا خرجت رقية من القضية؟!
طارق: كمال اللى قالك مش كده!
محمد: ايوة وقالى كمان انك اخدتها ع شقتك 
طارق: انا وكلت ليها محامى وهو اللى خرجها وفعلا اخدتها ع الشقة بتاعتى بس مقفولة وانا مش عايش فيها ما هو اكيد مش هسيبها بالشارع
محمد : انا متشكر جدا لحضرتك ع وقفتك جنب اختى
طارق: العفو ي سيدى هو ده اللى مكلمنى عشانه؟!
محمد: الحقيقة ده كان السبب الاول وفيه سبب تانى انت مش متخيل كمال طلب منى ايه؟
طارق: ايه؟!
محمد: طلب منى اق*تلك 
طارق: كنت متأكد انه هيعمل كده 
محمد: والعمل
طارق: لازم تنفذ اللى طلبه منك ووووو....يتبع
#بإسم_قانون_الحب السادس