دمعه من سمراء الفصل الثامن

دمعه_من_سمراء 8
بعد ما غدرت بنرمين للمره الثانيه بس المره دي طردتها واخدت منها بنتها روحت وعرفت غيرها ونسيت ان هي السبب في الشهره الكبيره اللي انا فيها دي
نرمين كانت ماشيه مش عارفه هي رايحه علي فين مفيش مكان تروح ليه كانت ماشيه ضايعه لحد ما قعدت علي الأرض وفضلت تبص للسماء وتهز رأسها بس مش قادره تتكلم فجأه في حد حط ايديه علي كتفها

رفعت رأسها تشوف مين لقيتها ست مش كبيره في السن لكن واضح جدا ان هي طيبه 
مالك يا بنتي قاعده كدا ليه
نرمين ماصدقت حد سألها السؤال دا واڼهارت في البكاء
لا دا انتي حالتك صعبه اوى قومي تعالي معايا بيتي مش بعيد عن هنا
واخدتها معاها 
تعالي يا حبيبتي اتفضلي واتطمني يا سيتي مفيش حد عايش معايا هنا انا عايشه لوحدى يعنى تقدري تاخدي راحتك علي الاخر
ادخلي الاول بدلي ملابسك اللي عليها مية مطر دي علي ما أجهز لينا العشاء وبعدين نتكلم
دخلت نرمين بدلت ملابسها بعد ما مدام ألفت جابت ليها ملابس من عندها واكلوا 
هو انتي كدا اكلتي
ايوه الحمد لله 
طب يلا قومي اغسلي ايديكي واطلعي البلكون استنيني هعمل لينا كوفي ميكس ونتكلم من دلوقتي لبكره الصبح
بعد شويه
ها يا سيتي احكيلي ولو مش عايزه براحتك بس اوقات الكلام بيريحنا وانتي واضح عليكي انك تعبانه ومحتاجه تحكي
هحكي ليكي بس قبل اي حاجه انا ما جيتش علي كرامتي برضايا انا جيت عليها ڠصب عني
مش فاهمه
يعني انا اتولدت بنت وحيده لاهلي كنا عايشين في عماره انا وبابا حبيت ابن الجيران هو كان اكبر مني ب 5 سنين لكن هو ما حبنيش بسبب العلامه اللي في وجهي دي وكان دايما شايفني مش حلوه
بعدها نقلنا من العماره وبعد كام سنه والدي اټوفي روحت اعيش مع عمي زوجته كانت بتعاملني اسوء معامله وعمي ولا كإنه كان موجود كان في تواصل بيني وبين جارتنا الاولي كنت دايما بحكي ليها اللي بيحصل ليا
لحد ما يوم قالت ان هي عايزه تزوجني لابنها كنت فرحانه جدا خلاص هكون