كلام ستي
انا ساكنة جنب بيت حمايي وزوجي الحمدلله وضعو المادي وسط يعني مستورين
وزوجي كل ماراح على السوق بيتذكر أهلو بشوية خضرة وفواكه
وحماتي على طول بتقول الله يرضى عليك وعلى ولادك ويوفقك
وفي يوم من الأيام أجت لعندي رفيقتي يلي صارلي زمان ما شفتها
ونحن بالقعدة طلبت مني أنو أبني ينزل يجبلها باكيت دخان
رفيقتي :غراض شو؟؟
أنا :زوجي لما بيروح على سوق الخضرة بيجيب غراض لأهلو معو كمان
رفيقتي:وليش شو الله جابركم باهلو ؟؟زوجك الله يساعد وهل المصاري يلي عم يبعزقها على أهلو ولادك أولى فيها
أنا : والله أنا مابدخل يسطفل وفي حياتي ماسألت شو أخد وشو جاب لأهلو
أنا : شوية فواكه وخضرة ماراح يكسرونا
رفيقتي:حبيبتي بيكسرو ...ألف من هون والفين من هنيك حسبيها قديش زوجك عم يصرف مصاري عليهم.. يعني إذا كل يوم ٣٠٠٠ حوالي ٩٠ الف بالشهر يعني حوالي مليون ليرة بالسنة حبيبتي هدول بيجبولك خاتم دهب
أنا : أنت عم تحكي هيك والحمدلله زوجك معو والله رازقو
رفيقتي: آيه طبعا معو مصاري لأني ما بخليه يبعزق مصراتو على أهلو
للحظة حسيت كلامها مظبوط وانو هل المصاري يلي عم يبعزقها على أهلو ولادي وانا أحق فيها
وبعد شوي رن الجرس واجا ابني وسلم على رفيقتي
انا:الله يعطيك العافية شكلك تعبان
امنيح بيت ستي قريب علينا بتعرفي ماما قررت بكرة بس اتجوز اخد بيت جنبك
رفيقتي: ليش بقى كل هل القد بتحب الماما؟
ابني:اكيد بحبها 😊😊😊بس منشان بكرة اذا جبت خضرة وفواكه للماما اولادي مايتعبو وهنن رايحين جايين لعندها وإذا بدها شي يكون البيت قريب ودغري بجبلها ياه
انا:شفتي ليش انا ساكتة لانو ربنا عم يدخر هل الشي بولادنا لبعدين
ربي ارحمهما كما ربياني صغيرا
#هيك_قالت_ستي
