الطفل الفقير ولحم العيد
ماما هو إحنا مش هناكل لحمة في العيد كمان!
رجعت خطوتين عشان أشوف مصدر الصوت لاقيت ست تلاتينية ماسكة إيد بنتها والبنت عيونها على اللحمة فمامتها كتمت دموعها وبصتلها وقالت
في رجول فراخ عند عم اسماعيل إنما إيه يستاهلوا بوقك
البنت وقفت مكانها وركزت نظرها على مامتها وكأنها بتلومها على فقرهم كنت واقفة بشاهد المشهد وأنا مش عارفة ليه نزلت من بيتي في الوقت ده بالذات رغم إني تعبانة!
عندي مرض محدش اتعالج منه كل اللي اټصاب بيه ماټ!
من الامړاض المستعصية حتى على أطباء العالم كله
بدأ معايا بالروماتيزم وكان السبب اللوز وقعدت اتعالج أربع سنين حقن بنسلين وبعدها فضلت تعبانة ومفيش أي تحسن اتشخصت روماتويد ميأستش رغم ضعفي وكملت علاج لحد ما سكنت أرجائي وبقيت بنت هزيلة مش عارفة حتى تسند نفسها وبعدها اكتشفت الصدمة إن المړض اللي عندي مختلف تماما واسمه الذئبة الحمراء
جه شهر رمضان والعيد بيقرب كل الناس بتفرح وأنا مستنية قضائي شعور مرير صعب يتوصف لحد ما قررت أنزل من بيتنا لوحدي أشم هوا وأحاول أشوف الدنيا ولو لمرة واحدة على الأقل نزلت بالعافية وروحت أشتري طلبات العيد لأمي وأنا عند الجزار سمعت صوت طفلة بتقول
مشيت ورا الست دي لحد ما عرفت بيتها وقفت عند شباكها لاقيتها بټعيط وبتقول لبنتها
أوعي تتمردي على قضاء ربنا وأرضي عشان لو أعرضتي على الرضا ربنا هيربيكي بالبلاء وهترضي ڠصب عنك
البنت بصتلها وقالت بدموع يعني أعمل إيه ياماما
مامتها بصتلها بترقب وقالت اللهم ما كان حزني تمرد مني على قضائك وما كان جزعي يأس من رحمتك ولكن قلبي أهون من أن يتحمل الكثير فألقي عليه عفوك ورضاك
محتاجة حاجة يابنتي
بصيتلها برضا وقولتلها بنوزع لحمة العيد ياحاجة
واديتها اللحمة اللي كنت جيباها لأمي عيونها لمعت بشكل مريح وبصت للسماء وكأنها بتشكر ربنا مشيت ورجعت البيت ولما نزلت يوم العيد خدت لحمة من العجل بتاعنا وبتاع عمامي والجيران وشيلتها لوحدي وروحت للست دي مش عارفة ربنا كان مقويني إزاي وأهلي كانوا مبسوطين إني قدرت أتخطى التعب ولو شوية وصلت عند بيتها وفتحتلي فقعدت أضحك وأقولها
حسيت بكسوفها وبعدين بصت للأرض ففهمت شوية وخرجت موبايلي وعملت نفسي بكلم حد وقولت
أيوه ياباشمهندس التلاجة الزيادة اللي كنت بتقول إنها هدية العيد لحد محتاجها أنا عاوزاها
لاقيتها بتضحك ضحكة أشبه بالتعجب وقربت مني وقالت
أنا عارفة إنك مكنتيش بتكلمي حد وبتجبري خاطري بس صدقيني ربنا مش هيسيبك وزي ما نقذتيني من نظرات بنتي اللي كانت بتوجع قلبي هينقذك من كل حاجة تعباكي
لاقيت الدكتور بيقولي إزاي ده يحصل
بصيتله وقولتله فيه إيه
رد بصوت متقطع
وقال مفيش أي آثار للمرض معقولة
بصيت للسما ورددت دعاء الست وبصيت للدكتور وقولتله
ما خاب عبد جبر خواطر الناس
وكنت أنا أول واحدة في العالم تصحى من مرض الذئبة!
خلوا بالكم من الفقراء وفرحوهم بعد بكره بنية شفائكم وقضاء حوائجكم
الصدقة النقص الوحيد اللي كله زيادة
عزة عادل العمروسى
