ربيت بنت زوجي ف عشه الفراخ
انا روقت الشقه ونزلت جيبت الحاجات دي من تحت جتي اخوك الحج عبده زعل عشان اكمني لسه عروسه ونازله اجيب الحاجات من السوق ولما جيت وبقولهم يساعدوني فضلو يقولولي انهم هيخلوك تطلقني لانهم مش عايزيني هنا..
صفاء پخوف
والله العظيم يا بابا ما حصل الكلام اللي انت بتقولو ده..
زعق فيها صابر وقال
اخرسي يا بت انتي اياكي اسمع صوتك تاني يا قليلة الادب انتي.. واسمعي انتي واختك من النهارده كل واحده فيكم ما تقولش لكوثر غير يا ماما وتسمعو كلامها والا والله هوريكم النجوم في عز الضهر فاهمين ولا لا..
فاهمين يا بابا فاهمين والله..
قالت كوثر
طيب قومي يلا انتي واختك يلا معايا علي المطبخ عشان اعلمكم الطبيخ..
اميره
بس انا تعبانه اووي ومش قادره اتحرك والله يا بابا..
صابر زعق فيها وقال
كفايه دلع فاضي يا بت انتي وقومي يلا اسمعي كلام امك..
وفعلا البنات قامو معاها وبعد كام سنه كانو صفاء واميره هما اللي بيعملو كل حاحه في شغل البيت وكانت كوثر بس بتروح لاهلها ولجيرانها ومش بتعمل اي حاجه تانيه وفي يوم الباب خبط وكانت اميره رايحه تفتح بس كوثر طلعت وهي لابسه هدوم خفيفه وقالت..
استني با بت انتي ادخلي جوه اوضتك وما تطلعيش منها انتي واختك انا هفتح الباب..
اميره
هتفتحي الباب بالمنظر ده يا ماما افرض كان حد غريب..
كوثر بعصبيه
وانتي مالك انتي غوري يلا ادخلي جوه مش عايزه اشوف وشك دلوقتي تاني يلااا
سابتها اميره ودخلت جوه وفتحت كوثر الباب وكان عبده اخو صابر الكبير...
اهلا وسهلا يا حج نورت البيت تعالي يا اخويا اتفضل..
عبده
بسم الله مشاء الله يا ست كوثر كنتي جيالنا حلوه ودلوقتي بقيتي احلي مش زي الكركوبه عمتك..
ما لناش دعوه يا اميره ابوكي هيقلب علينا احنا ومش هيصدق اي كلمه عليها. خلينا في حالنا احسن..
اميره بدموع
انا نفسي بس يجي اليوم اللي اتجوز
فيه وامشي من البيت ده واخلص منها ومن اللي معيشانا فيه..
صفاء
حاسه ام اليوم ده مش هيجي يا اميره حاسه اني خلاص عمري ما هفرح انا بقيت بنام خاېفه صاحيه خاېفه انا بقيت عايشه في ړعب بسبب كوثر واللي بتعمله فينا..
حضنتها اميره وقالت
انا بقيت بكرهم كلهم يا صفاء الناس دي كلها كده وحشه ما حدش قادر يتكلم ولا يدافع عننا كله بس بيتفرج علينا وهي بټعذب فينا على كيفها....
ربنا كبير وقادر يخلصنا منها يااارب ارحمنا ياا رب..
وبعد كام يوم صحيت صفاء الصبح بدري اووي وطلعت جهزت الفطار واميره صحيت روقت البيت ولمت الغسيل وطلعت كوثر من اوضتها وقالت..
كوثر
ايه الكركبه دي كلها انا ما اعرفش انام يعني في البيت ده كله..
اميره
يا ماما ما انتي لو صحيتي وما لقتيش كل الحاجات دي معموله كنتي هتنكدي علينا..
انتي بتردي عليا ليه ولما تتكلمي معايا عينك تبقي في الارض يا بت وبصي يا اختي لاختك واتعلمي منها بتعمل ايه..
اميره بصت في الارض
حاضر يا ماما تؤمرينا بجاجه تاني..
كوثر
انتي تغوري تجيبي الحاجه من السوق وانتي يا بت يا
