مراتي من الستات الساذجه

آيه مراتي من الستات الساذجة لأبعد الحدود.. مفكرة العالم جنينة ورد وكل السكان أغصان، فمعاملتها واحدة مع القريب والغريب والعدو والحبيب والصافي والحقود لإنها للأسف مبتعرفش تميز معادن الناس رغم إن عمرها عدى التلاتين وبقت أم لطفلين والمفروض تبقى قدوة ليهم عشان مرجعش كل يوم والتاني من الشغل ألاقيهم قاعدين يعيطوا جنبها بسبب إن بعض الأشخاص اللي ملهومش لازمة قالولهم كلام ېحرق دمهم ومقدروش يردوا عليه لإنهم متربوش على كده! 

وعشان كده حاطتها في ضغط نفسي بقالي فترة كبيرة وكل إما تيجي تشتكيلي من حد أزعق فيها وأفضل أقولها تستاهلي ومبسوط فيكي لإن اللي مبيقدرش ياخد حقه بإيده بيفضل حقه ده مهدور، فهو اللي بيشيل الطين في الآخر؛ 
ورغم اعتراضي على أم طريقتها وإسلوبها السلبيين دول إلَّا إني ڠصب عني بنصرها ديمًا فأي حد بتشتكيله منه بخاصمه وبفضل حاطه في دماغي ومستنيله أي غلطة عشان يبقى هو اللي بدأ وأقدر أخد حقها براحتي وبدون ما حد يجرؤ يلومني بعد كده، فبقيت مخاصم نص قريتنا تقريبًا ولو أطول أمسك قالب طوب وأفتَّح أدمغتهم كلهم مش هتردد لحظة! 
وهي ولا هنا.. مش حاسه پالنار اللي جوايا، فاللي بخاصمه بسببها وبستخسر فيه حتى سلام ربنا، بتفاجيء بعد فترة صغيرة إنها واقفة تتكلم معاه وبتضحك عادي ولا كأنها في يوم عيطت بسببه!
فببقى هتجنن أقسم باللّٰه وعاوز أفضل أضرب فيها لحد ما تتسعر خالص وأرجع بعد كده من الشغل ألاقي الناس هي اللي بتشتكي منها مش العكس، ووقتها لو وصلت إني أبوس رجولهم عشان يتراضوا معنديش أدنى مشكلة..
لحد ما خالها توفاه اللّٰه من شهرين ورغم إنها من محافظة تانية غير محفظتنا والمفروض إنها غريبة عن الناس هنا، إلَّا إني اتفاجأت بستات القرية كلها جاية تعزيها بمجرد ما رجعت من هناك مع إنهم مبيعملوش مع بعض كده! 
واتفاجأت من كذا حد من أصحابي بيشكر فيها من كلام مراته وأولاده عنها، وهي عندها واجب فعلاً ومبتسيبش حد يخصني إلَّا إما بتعمل معاه فوق الصح بزيادة!