قصه اخي

لغز مۏت اخي 
كنت خاېف منه ! بقالي ٣ شهور بشتغل في المانيا متجوزتش حتي مليش اصحاب الوحيد ال في حياتي كان وليد .. وليد اخويا التؤام وليد خريج هندسة القاهرة ٢٠٠٥ كان بيحب واحده جدا واتجوزت ومن ساعتها بقي معقد بقيت انا صاحبه الوحيد يعني زي متقول كده ملناش غير بعض .. انا خريج تجارة عين شمس ٢٠٠٧ .. انا ديما فاشل حتي سقطت ٣ سنين في الكلية .. لحد مجتلي فرصة شغل في المانيا.. جبهالي صديق مراسلة .. انا حبيت اهرب من البلد ومن كل حاجة ! ومن فشلي ..

وليد اكتئب اكتر ومكنش عايزني اسافر ! انا مكنتش عارف اجبهاله ازاي قولتها قبل مسافر باسبوع حتي هو افتكرني بهزر .. وليد مكنش ليه حد زي بالظبط بس انا .. انا كان لازم ادور علي مستقبل انا زهقت من فشلي .. سافرت وقولتله ان هتواصل معاك علي ال سكاي بي وكل وسائل التواصل عرف انه خلاص بقي امر واقع وودعني .. وياريته مودعني !! ..
كنت كل يوم بقعد مع وليد بعد مخلص شغل ! .. بنتكلم بعرف ماله بعرف ايه ال مزعله لحد مقالي انه في صديق جديد دخل حياته وانه عرفه علي وسائل التواصل .. واول لقاء بنهم هيبقي النهاردة في الشقة .. بعد اليوم ده وليد مفتحش .. يوم يومين .. اسبوع اسبوعين .. شهر ٣ اشهر !! .. وليد مبقاش اونلاين .. وموبايله مقفول !! .. مليش حد يسال عليه ويطمني عليه ! ..
قررت انزل .. معرفش ليه قررت انزل ! ونزلت .. وطلعت علي البيت خبط ! وليد فتح !! . قالي 
ازيك .. ازيك ياعمرو ايه ال جابك  
كانت جملة غريبة !! .. جملة فيها قهر مش عارف حسيت بچرح وقولته 
وليد انا نازل عشان قلقت عليك .. تقولي ايه ال جابك ! 
لا ياعمرو متقلقش انا كويس !! ..
اول حاجة فكرت فيها اني ارجع وامشي .. بس ال خلاني اقعد هو ليه وليد بيعاملني كده !! هو انا حصل مني ايه ..
قررت اني اقعد اتكلم معاه .. كان ساكت ومبيتكلمش ! ..بيقرا كتاب قديم في الصالة وبيبصلي نظرات غريبة ..
وليد انت بتقرا ايه
كتاب .. كتاب ادهولي صديقي ! .. وبعدين يااعمرو انت هتقعد كتير ولا هتمشي عشان صديقي احيانا بيبات معايا 
ده بيتي ياوليد .. بيتي زي مهو بيتك ولا عشان غبت ٣ شهور !! في ايه وبتكلمني كده ليه !
اتعصبت .. بس هو كان مستفز وبيتسم ابتسامة سمجة وييبصلي وقالي ..
منا عارف انه بيتك .. بس ممكن الاوضاع تختلف عن زمان 
ازاي يعني ..
مش مهم ازاي .. المهم