روايه صفقة زواج جميع الفصول كامله
انت في الصفحة 1 من 6 صفحات
سكريبت
مش هتجوزها
مش هتجوزه
قولناها في نفس الوقت
بصيت ليه وانا متضايقة وقلت
علي أساس اني ھموت وتتجوزني مثلا !
انا اتجوزك انتي
وشي احمر وانا بقوله
انا دكتورة بيطرية مش زيك يا بياع الجل والبامبرز
اسمها دكتور صيدلي ولو تحبي افكرك كنتي ھتموتي عشان تدخلي الكلية دي بس لانك فاشلة ډخلتي بيطري
بس اسكتوا انتوا الاتنين !
قالها جدي وهو متعصب
بصيتله وانا بقول
جدي اذا كنت فاكر لأني دكتورة حيوانات هقدر اتعامل معاه للاسف انا مبعرفش اتعامل مع تيران!
تيران مين يا جرجيرة انتي
بصلي بتريقة وقال
والله الاسم الرقيق ده كتير عليكي ده حتي جرجيرة كتير عليكي مفروض
خبط جدي بإيده علي الترابيزة بعصبية وقال
ما تحترموني شوية ايه ده
بصيتله وانا بقول بصوت واطي
اسفة يا جدو بس انا مش هتجوزه ولو هعنس!
وانا مش هتجوزها لو اخر ست علي الارض
بصلنا جدي وقال بحزن
براحتكم انا مش هجبركم اكيد يعني انا بس كنت عايزة اجوزكم عشان اديكم ثروتي وانا مطمنانتوا اللي فاضليني من ريحة عيالي الله يرحمهم وانا قولت انك يا زياد الأولي تتجوز بنت عمك جهاد بس خلاص مش هطلب منكم حاجة تاني
زياد متزعلش يا جدي مني بس الجواز مش بالإجبار وانا مش بحبها
جهاد ولا انا بحبه
الجد طيب بس ما تزعلوش لما اتبرع بكل ثروتي للجمعيات الخيرية حتي البيت ده
زياد وجهاد اييه قصدك ايه يا جدي
زياد بس ده ابتزاز
جهاد انا متوقعتش ده منك خالص يا جدي
الجد قدامكم لحد بكرة وبلغوني قراركم النهائي
وقام سابنا ومشي
قعدت لمدة نص ساعة مكاني وانا مصډومة معقول جدي يبتزنا بالشكل ده بصيت جمبي لقيت زياد لسه قاعد وبيبصلي بصة غريبة
جهاد بتبصلي كده ليه اوعي تفتكر اني هرضخ واتجوز واحد زيك
زياد شوفي يا جهاد انا مش بطيقك ولا انتي كمان بس علشان مصلحتنا لازم نتفاهم
جهاد قصدك ايه
زياد قصدي نسمع كلام جدك ونتجوز
زياد الجواز مني اهون من انك تتحرمي من الثروة دي وتعيشي في الشارع وشغلتك مش هتأكلك عيش حاف
جهاد يعني ايه يعني هتدبس فيك طول حياتي
زياد مش طول حياتك ولا حاجة هنتجوز لفترة بسيطة لحد ما جدك يكتبلنا الثروة وبعد كده نطلق
جهاد مستحيل اتجوزك ولو هعيش شحاتة ثم اني بحب واحد تاني
زياد طيب ما انا بحب واحدة تانية
