رواية خطيبتي
حضنتها وعيطت وقالت
معلش هتعدي اهدي بس وكل حاجه هتتعدل يا جني
جني پبكاء
انا همشي مش هقعد هنا تاني انا قلبي ما وجعنيش غير هنا وما تعبتش غير هنا
وبعد شويه جني نامت وجيلان قامت من جنبيها ومسكت موبيلها وكلمت انس اللي رد عليها وقاال
انس
جيتي في وقتك والله بقولك ايه ما تيجي نرجع يا جيلان ما وحشتكيش
غمصت جيلان عيونها بحزن وقالت
انس مسح دموعه وقال
انا في الشقه بتاعتي ما حدش يعرفها غيرك اصلا يلا تعالي
قفلت معاه جيلان ونزلت اخدت عربيتها وراحتله
تفتكرو هتعمل ايه جيلان هناك وانس غلطان ولا لا
بقلم الكاتبه رحاب القاضي
في الاسكندريه
في مطعم راقي جدا كان خالد قاعد ومعاه ملك اللي كانت قاعده بتبص في موبيلها وقال خللد بغيظ
هو انا جايبك عشان تقعدي علي موبيلك وبعدين بتتفرجي علي ايه كده وعينيكي بتطلع قلوب
ملك
هيييح ده مش اي حد ده امير القلوب ده عم الناس وعمي وعم عيالي
خالد بعصبيه
نعمم يا اختي انتي بتقولي علي مين كده قداامي
ملك
والله العظيم انا بتكلم علي ابو تريكه شوفته وخو بيدافع عن فلسطين خطڤ قلبي
خالد هدي وقال
سابت ملك الموبيل وقالت
المهم قولتلي انك عايزني في موضوع مهم خير ان شاء الله
خالد بقلق
بصي انا عارف انك عاقله وهتفهمي الكلام كويس ومش هتتعصبي عليا
ملك
طبعا هو انا في اعقل مني قول بس وانا هتفهم الموضوع جدا
لا لا مش واثق في كلامك بجد
ملك
يا ابني اتكلم جربني وانت مش هتندم
خالد
طيب احلفي انك مش هتتعصبي وتقومي تفضحينا
ملك
تعدمني شووف تعدمني لو عملت حاجه تنطق بقي
خالد اتنهد وقال
اناا احممم بصي هو انا كنت متجوز سنه وتلات شهور وطلقت من كام شهر كده
سكتت ملك وخالد قال
في ايه ملك بلاش الهدوء دهقولي اي حاجه
لا ما انا مستنيااك تقولي ده مقلب بيبو بيوو
خالد
لا بس ده مش نقلب بصراحه دي حقيقه
وقفت ملك مىه واحده وقالت بطريقه شعبيه
يااااااااااالههههههووووووويييييييي ياااابختك المنيييييل ياااااا ملااااااك
بص خالد حواليه باحراج وخوف وقال
هو ده اللي تعدمني لو عملت جاجه منك لله يا شيخه انتي واللي يحبك
طلقناااااي يااه بقولك طلقنيييي
خالد پخوف
يو مجنونه اهداااي والله العظيم ماكنت بحبها وما حبتش غيرك
ملك بدموع راحت للست اللي قاعده جنبيهم وقالت
شايفه حظي عامل ازاي يا طنط الاول امجد يطلع متجوز ودلوقتي ابن الحربايه ده
خالد باحراج وقف وقال
انا اسف يا مدام معلش بس دي معاها شهادة معاملة اطفال
واخد ملك بالعافيه وراح البيت وبعد شويه كانت ملك وناني وسما قاعدين مع خالد في الصاله وبهاء في مكتبه وعارف ان خالد بره
ملك
وانا قولت مش هتجوز با خالد يعني مش هتجوز
خالد بضيق
يعني كنت اكدب عليكي انتي كنتي عايزه كده
ملك
علي اساس يعني انك ما كدبتش عليا
سما
البت دي عيله انفد بجلدك منها احسن
ناني
علي فكره انتي كنتي مطلقه برضو ولا نسيتي امجد هااا
ملك
ايوه وسيبت امجد ليه بقي عشان كان بيكدب عليا نفس اللي عمله البيه
طلع في الوقت ده بهاء من مكتبه وقال وهو مدايق جدا
بهاء
في ايه وايه الصوت العالي ده
خالد
كويس انك جيت يا دكتور بهاء الهانم مش عايزه تتجوز والفرح بكره اصلا
بهاء بسخريه
والهانم مش عايزه تتجوز ليه بقي من ماټ من الابطال بتوع روياتها ولا مسلسلاتها التافهه
ملك بدموع
ده كان متجوز يا بابا وخبي عليا ده خدعني
بهاء پحده
ما خدعكيش انا كنت اعرف واهو قالك في الوقت المناسب
ملك بضيق
انا خلاص مش عايزه اتجوزيشوف بقي يروم يرجع مراته او يعمل ايه
بهاء بعصبيه
جرا ايه يا بت انتي هو اي هبل وخلاص هو احنا لعبه في ايدك
خاڤت ملك من طريقته وسما وقالت
في ايه يا بابا بالراحه شويه
خالد بقلق
خلاص يا دكتور انا هاجل لحد ما هي تهدي و
زعق فيه بهاء وقال
ما فيش زفت هيتأجل ولو عملت كده والله ما هخليك تشوف ضفرها تاني وانتي يا بت بكره فرحك واقسم بالله لو ما اتلميتي وبطلتي دلع فاصي وقلة ادب هكسر رقبتك واوريكي التربيه اللي بجد عامله ازاي فاهمه ولا لا
سابتهم ملك وكانت داخله اوضتها وهي بټعيط بس بهاء مسكها من دراعها وقال پحده
بهاء
فاهمه ولا لا
ملك پبكاء
فاهمه يا بابا
سابها بهاء ودخلت اوضتها وفضلت ټعيط وخالد وقف وقال
خالد
انا همشي بقي
بهاء
اكد علي كل التجهيزات عايز الفرح مش نقصااه حاجه
خالد
اكيد يا دكتور بعد اذنك
مشي خالد وبص لبناته وقال بعصبيه
وانتو بتبصولي كده ليه كل واحده
تروح اوضتها ومالكمش دعوه بملك خالص يلاااا
دخلو اوضتهم وبهاء قعد علي الكنبه وقال وهو عيونه كلها دموع
بهاء
ياارب انا تعبت لما اخدتهم ما كانش قصدي اتعبهم كنت عايز اريحهم وانت عارف اني ما قصرتش معاهم في حاجه وانهم بقيو روحي وقلبي بس ليه بيحصلي كده انا مش بعترض بس تعبت وماليش غيرك اشاركه همي
مسح دموعه وقام دخل عند ملك اللي كانت قتعده بټعيط وهي حاضنه العروسه الكبيره بتاعتها ولما شافته بصت الناحيه التانيه دخل بهاء وقعد قصادها وقال
بهاء
هي دي العرسه اللي كنتي مسمياها وانتي صغيره ندي علي اسم ماما وكنتي محلفاني ما اقولش لاخواتك عشان ما ياخدوهاش منك
ملك پبكاء
ايوه هي وكنت بشكيلها منك عشان انت زمان لما زعقتلي وانا صغيره وانا فضلت اعيط وعدتني انك مش هتزعقلي ولا هتزعلني تاني بس كداب
بهاء
بقي بابا كداب يا ملك
ملك بتوتر
اقصد حضرتك مش انت
ابتسم بهاء وقال
فين اللي صلحتيه في الموضوع طيب
سكتت ملك وقال بهاء
اخواتك ومشاكلهم تعبوني وانا ما بقتش زي زمان افضل اناهد واټخانق
ملك ما ردتش برضو عليه وهو قال
يعني انتي كنتي عايزاني اسمع كلامك ونخلي خالد يمشي ويروح بتجوز واحده غيرك
ملك پحده
ورحمة امي افرمه وهو واقف
ضحك بهاء وقال
يبقي نعدي وما نقفش علي الوحده وبلاش نبوظ احلي ايام في حياتنا بسبب حاجات كانت غلط زمان فاهمه يا ملك
مسحت ملك دموعهت وقالت
فاهمه يا قلب ملك انت يا خرااشي علي عليك وانت قمر في نفسك كده
ضحك بهاء وحضنها وقال
اخر يوم هتقضيه في اوضتك وهتروحي
ملك بعدت عنه وقالت بحماس
مش متخيله اني هيتقغل عليا باب واحد مع خالد ال اد قمر اووي يخربيته يتاكل اكل
عيطت ملك وقالت
بس كان متجوز غيري كان بينام جنبيها وكان بيحبها وكان ابن الجزمه ازاي يعمل كده
بهاء
خليتي الواد يعمل ايه الله يخربيت دماغك هارفه انا خالد ده صعبان عليا طيب انا هنا كنت بلاقي اللي يشيل عني هما اخواتك انما هو يا حبة عيني هياخد الجمل بما حمل لوحده انا رايح انام
سابها بهاء وطلع
تفتكرو هيحصل ايه في فرح ملك وخالد الخلقه الجايه
يتبع وصلت جيلان قدام شقة انس واخدت نفس عميق وبعدين خبطت علي الباب وهو فتحلها وكانت عيونه حمرا وباين عليه انه كان معيط وقال
انس
ده انتي جيتي بجد اتفضلي
دخلت جيلان وقالت
ومدام زعلان اووي كده عليها ليه زعلتها وجرحتها ااه صح نسيت انت المهم ترضي نفسك وتعمل اللي يريحك والباقي في ستين داهيه
انس بسخريه
هما فين جناحاتك مش شايفهم يا ملاك يا برئ هو انتي فارق معاكي جني اووي تحبي افكرك كنتي بتقولي عليها ايه قدامي عشان تبينيها وحشه بس انتي طلع معاكي حق
جيلان پبكاء
انا عملت كده فعلا بس عشان انا كنت مش طبيعيه انا كنت مريضه وبيك انت يا انس انا عمري ما حبيتك انا بس كنت عايزاك تفضل مهتم بيا وأفضل في نظر الكل احسن واحده عشان هبقي حبيبة انس معتز النجم اللي الكل مهتم بيه
انس بجمود
انتي كنتي داخله معايا بمصلحة وانا كمان وخلصنا وموضوع جني انتهي ولو جايه تتكلمي فيه يبقي امشي احسن
جيلان بدموع
هادي كان بيتكلم معاها عشاني كان بيقولها انه هيجي يخطبني وعايزها تقف معاه وانت فهمت غلط
انس بعدم تصديق
ازاي يعني هو من امتي جني ليها علاقه بهادي اصلا
جيلان مسحت دموعها وقالت
انا ما كنتش بروح النادي واختفيت فتره في البيت وهو كان بيتعامل مع جني عشان يطمن عليا بس انت اللي متسرع وما حاولتش تفهمها
انس اتنهد بضيق وقال
امشي يا جيلان انتي فاكره بعد اللي قولته لجني هتفكر تبص في وشي تاني
جيلان
همشي بس خليك متأكد انك لو ما صلحتش اللي عملته ده هتخسر جني وللابد
قالت كلامها ومشيت واول ما رجعت البيت لقيت باباها مستنيها وقال
عزت
كنتي فين يا جيلان لحد دلوقتي
جيلان
كنت بتمشي شويه بالعربيه وانا اسفه لو اتأخرت مش هتتكرر تاني
عزت ابتسم وقال
براحتك يا حبيبتي بس بس طمنيني عليكي واعرف انتي فين عشان ما اقلقش
جيلان
حاضر يا بابا بعد اذنك هطلع انام
عزت
ماشي بس عايزك زي النهارده تفضي عشان هنروح نزور ماما وبعدين هنروح نتغدا مع بعض وفي حد عايز يتعرف عليكي
جيلان
مين اللي عايز يتعرف عليا
عزت
رشاد بيه زميل ليا رجل أعمال وابنه هادي كان معاكي في الجامعه بس أكبر منك بسنه
جيلان اتنهد وقالت
تمام يا بابا اللي فيه الخير يقدمه ربنا بعد اذنك
قالت كده وطلعت اوضتها وبعتت لبهاء رساله بكل اللي حصل معاها وبعدين نامت
بقلم الكاتبه رحاب القاضي
في الاسكندريه
كان بهاء ماشي في مكان هادي جدا وكله ورد علي البحر وبص قدامه وشاف ندي قاعده وشايله علي ايدها بيبي صغير قرب منها بسرعه وقال
بهاء بدموع
ندي انتي وحشتيني اووي
ندي وهي مبتسمه
شايف البيبي الجميل ده حلو اووي مش كده
بهاء
ما فيش أجمل منك ولا من عيونك يا ندي
ندي اتكسفت وقالت
وبعدين معاك بقي انت مش هتبطل كلامك ده بقي
مسح دموعه وقال
حاضر مش هقولك
كلام حلو تاني بس مين البيبي ده
ندي
ده ابن سما حلو زيها مش كده
بهاء قلبه اتقبض وقال
هو انتي وخداه معاكي ولا ايه كده سما هتزعل يا ندي
ندي بحزن
عارفه بس هو مش من نصيبها ربنا هيعوضها عنه خير
قالت كده وقامت وهي شايله الطفل وكانت هتمشي بس لفت وبصت لبهاء وقالت
ندي
خلي بالك من البنات يا بهاء انا هبقي مطمنه ومرتاحه طول ما هما معاك وهفضل ديما جنبك علي فكره
دموعه نزلت وقال
طيب بلاش المره دي كمان تمشي بسرعه يا ندي خليكي معايا شويه
مشيت ندي وفي اوضة بهاء كانت قاعده ملك قصاده بهاء هو ونايم و لما صحي اتفزع وقال
بهاء
اعوذ بالله من الشيطان الرجيم في ايه يا ملك قاعدالي كده ليه يا بنتي
ملك
بشبع منك يا بابا هو مش انا هسيبك النهارده
بهاء بغيظ
يا شيخه يا الف بركه ده قطعتيلي الخلف
ملك پحده
خلف ايه اللي انت عايزه ده اوعي تكون يا بيبو بتجوز فينا واحده ورا التانيه عشان في الاخر تتجوز
بهاء
هو انا شوفت في حياتي بعد ندي الله يرحمها عشان افكر اتجوز
ملك
عارف يا بابا انا بدعي ربنا ان خالد يبقي مخلص ليا زيك كده بس هو يعني لو انا واخواتي ما كنااش معاك انت كان ممكن تتجوز
بهاء
تبقي
