السحر الأسود (كامله الأجزاء) بقلم شيماء رأفت

اتعرفت عليه من عالنت شخص دمه خفيف شكله حلو اوي نظيف كدة وطيب يوم عن يوم علاقتنا كانت بتقوي اكتر
كنت رافضه خالص اخليه يشوف شكلى حبيت لعبه الغموض
حب طرقتي وچنوني وشخصيتي وانفعالاتي حتي خناقي معاه حبني من جوة لانه مشافنيش من برة
كنت بدايق من الحاحه انه يشوفني بس صدق ال قال الزن عالودان امر من السحر بعتله صورة ليا طبعا بالحجاب

زاد محبته ليا شافني زي الملايكه بس معاملته معايا بدأت تتغير الاهتمام بيزيد بدأ الموضوع بتحول معاه من اتنين اصحاب واخوات بيتكلمو مع بعض على طول لمشاعر تانيه خالص حب .. غيرة .. تحكم حولت افهمه كذا مرة ان احنا مش هينفع نكون حاجه تانيه وان انا مش عاوزة ارتبط بحد ومش عاوزة اخسرة كان بيدايق مني ويحاول يحسسني انه خلاص شال الموضوع من دماغه عشان يفضل ف حياتي ومع اني مبكنش مصدقه بس بقنع نفسي عشان انا كمان حابه انه يفضل ف حياتي
في يوم طلب مني يسبلى حاجه منه ف مكان طبعا رفضت ف الاول بس فضل يلح لغايه ما قبلت
روحت خدتها منه ومشيت على طول
سلسله على شكل دبلتين ماسكين ف بعض فكرة السلسله عجبتني حبيتها اوووي لدرجه ان معنتش پقلعها من رقبتي مش عشان منه عشان حسيتها شبهي وحساها مميزة جدااا
شكرته اوووي وبينتله قد اى فرحت بيها
بس للاسف ال جواه كان اقوي منه كان غيرته بتزيد وتحكماته بتزيد وانا لسه عند كلامي مش هرتبط بحد
ومع اهميه وجودة ف حياتي بس قررت ابعد
عشانه والله مكنتش عوزاه يتعلق بيا اكتر من كدة فضلت اعامله وحش احسسه انه بقه تقيل عليا وكل دة من ورا قلبي بس كان لازم اقسي عشان اخليه يبعد وميحبنيش الحب دة
قالى ف مرة ف وسط الكلام انا همشي بس انا اسف انتي هتجيلى ف يوم تترجيني ارحمك وساعتها مش هرحمك لانك مرحمتنيش
فضلت اعيط يومها وبعتله انا اسفه انا بعمل كل دة علشانك مش عاوزة اجرحك مش عاوزة اعلقك بيا اكتر من كدة وللاسف قالى انه كان خلاص اتعلق 
بعدت عنه عدت سنه كان بيجيلى عرسان كتير في الي كنت برفضهم وفي ال كانو بيرفضوني وفي ال الموضوع يكون ماشي وفجأه يتفشكل لوحدة
مركزتش اصلا كل شىء قسمه ونصيب
وتاني سنه على بعدنا كان بيحصل نفس المواضيع بيجيلى عرسان كتيييير جدااا بس كل مرة الموضوع يتفشكل بطريقه غريبه الناس بدأت تقولي انتي محسودة انتي في حاجه غلط مش معقول ال بيحصلك
وياخدوني لشيخ يقرا عليا قرأن ويشغلولى الروقيه الشرعيه كل يوم
والى تقولي البسي هدومك بالمقلوب وحاجات غريبه اعملها
طبعا مكنتش بصدق التخاريف دي لغايه ما روحت لشيخ قالي اني معملولى عمل !!!!!
قالى اني معمولى عمل انا طول عمري بسمع عن الاعمال والحاجات دي بس عمري ما كنت اتخيل ان ممكن حد يعملهولى انا الحمدلله وحدة ف حالى جداا مبأذيش اى حد بعامل كل الناس بأحسن معامله والناس كلها بتحبني
عمل ازاى وليه الموضوع على قد ما صدمني على قد ما خوفني جداا الفكرة ف حد ذاتها مرعبه
الشيخ قالى ان الي عمل العمل دى مش من دمي قربت لربنا اكتر فضلت ادعي ربنا يحللى المشكله ال انا فيها
فضلت اسأل نفسي كتير ممكن يكون مين ال عمل كدة بس معرفتش اخمن اي حد الفترة دي حرفياا كانت اصعب فترة ف حياتي
قلبنا البيت تقدرو تقولو طلعنا كل العفش برة وبدأنا نفرش من اول وجديد غيرنا