عيناي لاتري الضوء
وحاجات تانية كتير مش عارف أحدد ده ايه بالظبط هل هي تعبانة ولا ايه
خدها للدكتور ويقولك فيها ايه
بص انا شاكك أنها حامل...
حامل إزاي يا بني مش انت بتقول من يوم الفرح هي في أوضة وانت في أوضة !
ايوة حصل أنا مقربتش عليها... بس في نفس الوقت معرفهاش ولا اعرف حاجة عن ماضيها... وخاېف لتكون غلطت مع
حد وبتغفلني
ما انا عارف أنها كويسة بس لما بسألها بحسها بتكذب عليا...
مش يمكن هي بتكذب عليك عشان عمرها ما حست أنك سند ليها وطول الوقت بعيد عنها ومش بتكلمها
أنت روح أرجع بيتك دلوقتي وحاول تفتح معاها مواضيع... يمكن تقولك هي تعبانة بأيه
أنت صح هحاول
يلا انا ماشي
سلام يا حبيبي
قاسم مشي وبعد نص ساعة سليم رجع بيته... سليم أول ما فتح باب الشقة لقي أيلين نايمة في الصالة
دخل اوضته وغير هدومه ولما خرج افتكر كلام قاسم... راح على المطبخ عملها أكلة خفيفة ومشروب سخن...
و قولت في سري
جاي عندي ليه ده انا نمت ازاي في الصالة انا هروح على أوضتي...
جيت امشي ف مسك ايدي وقالي
اقعدي...
انا داخلة أنام... اعملك العشا
لا... أكلت
اومال عايزني اقعد ليه
عايزك إنتي
تاكلي عملت أكلة خفيفة على معدتك شوربة فراخ اشربيها حلوة للبرد...
و بدأت أكل وهو قاعد جمبي طول الوقت بيبصلي كأنه مستني حاجة تحصل
خلصت أكل وقولت
انا داخلة أنام
مش هتشربي الأعشاب اللي عملتها
مش لازم ابقى اخد الدواء
أصر
أني اشربها ف رضيت اشربها لكن أول ما مسكت الكوباية وشميت ريحتها حسيت بتقل من جوايا ومستحملتش رحيتها
ولما خلصت حسيت بۏجع شديد في بطني وروحت على أوضتي ووهو دخل قالي
اتصلك بالدكتورة تيجي هنا
لا لا مش لازم انا كويسة
كل مرة بتقولي كويسة حالتك بتسوء يوم عن يوم
طب قولي مالك تعبانة ازاي
مفيش والله
خلاص هتصل على الدكتورة
لا متتصلش
بصلي بستغراب شديد... اتوترت وحاولت ارتب كلامي عشان ميلاحظش حاجة
قصدي مش لازم تتعبها في الصبح هبقى أحسن... انا هنام دلوقتي
إنتي خاېفة ليه من الدكتورة
مش خاېفة بس...
وقعت أيلين على الأرض اغمى عليها
أيلين !!اتصل على الدكتورة وقالها تيجي... قعد على طرف السرير... بيبص على أيلين وعلى شكلها التعبان... كان مستغرب حالتها دي وجواه شكوك بيكذبها دايما... مسك ايدها وحطها على خده .. اتنهد وقال
أنا مش عارف مالك ولا فيكي ايه... سألتك أكتر من مرة وبتخبي عني... كلام قاسم حقيقي... انتي بتخبي عني عشان عمرك ما حسيتي إني سند ليكي أو لو وقعتي في مشكلة ممكن اساعدك... بس حالتك والأعراض دي بالذات بتخليني افكر في حاجات هتجنني بجد... اكيد اللي في دماغي غلط... يعني أنا شايفك إنك مش زي بنات الجيل ده ومختلفة عنهم ومحافظة على نفسك... بعدين انتي عايشة بقالك أكتر من 8 شهور معايا... يعني عمري ملاحظت عليكي أي تصرف غريب... أكيد تعبك ده ممكن برد في المعدة إن شاء الله...
جات الدكتورة وسليم فتحلها وډخلها الأوضة اللي فيها أيلين... بعد شوية الدكتور خرجت وسليم قالها
هي مالها يا دكتورة ... هي كويسة صح
اه كويسة الحمد لله
طب مالها هي طول الوقت دايخة وبترجع ومعظم الأكل بتحسه تقيل عليها... ده سببه ايه ولا هي اخدت برد شديد في معدتها
لا مش حكاية برد
اومال ايه
مبروك... المدام حامل
سليم اتفاجىء من قالته الدكتورة وفضل يضحك بسخرية
حامل ازاي لامواخدة !!
حامل زي الناس انا كشفت عليها وهي فعلا طلعت حامل...
إنتي بتكذبي أيلين مش حامل !!
انت بتكذبني ليه كل الأعراض اللي عندها دي بتثبت انها حامل... ودي أعراض طبيعية هتفضل مستمرة طوال فترة الحمل...
متسحيل اللي بتقوليه ده حامل إزاي ومن مين
مش قصتي دي... لو مش مصدق روح اعرضها على أي دكتور تاني هيقولك نفس اللي قولته... على العمون انتبه لصحتها ولأكلها كويس عشان التعب ميزيدش عليها ويأثر على الطفل... استأذن بقا
مشيت الدكتورة أما سليم دماغه ھتنفجر
أيلين حامل من مين انا ملمستهاش ولا قربت منها... يبقى إبن مين اللي
