كارمن الجزء الثالث عشر
واضاف
في حاجة بس عايز اقولها لحضرتك قبل ما امشي..
تابعه والده باهتمام توقف وجيه يفكر للحظات قليلة ثم اضاف بثقة
اللي رشيد عمله وبيعمله دلوقتي هو ده الصح..
تفاجأ والده من حديثه واعتدل في جلسته وهو يستمع الي باقي حديثه
رشيد مخسرش شغله ولا حاجة رشيد اصلا مكنش حلمه انه يكون ظابط شرطة! ده كان حلم حضرتك انت مش هو! عملت المستحيل عشان رشيد يكون نسخه منك..
بس هو مطلعش نسخه منك ابدا يا سيادة اللوا وده شئ يسعدني انه مطلعش نسخه منك.
حدق به والده پصدمة طالت النظرات بينهما حتى تحرك وجيه من امام والده لكي يذهب لكن صوت والده اوقفه يستمع اليه
بس يسعدك انه طلع نسخه منك انت! يسعدك ان اللي قدرت تضحك عليك وتخرب بيتك قدرت بنتها تضحك عليه وتضيع مستقبله!
بس سهير مضحكتش عليا! لاني كنت عارف حقيقتها من الاول..
حدق به والده پصدمة أومأ وجيه برأسه واضاف
ومش هي برضه اللي خربت بيتي! بيتي اتخرب من اول ما بقى رأيي فيه ملوش قيمة جنب رأي حضرتك وقراراتك! وابني اتجوز البنت اللي حبها ومستقبله مش معتمد على شغله في الشرطة وبس! المستقبل مفتوح قدامه ويقدر ينجح في اي مجال تاني هو يحبه.
بداخل مكتب واحد من كبار المحامين.
جلست سهير تحرك قدميها بعصبيه وهي تأخذ احد السچائر وتتحدث الي المحامي
انت لازم تشوفلي حل وبسرعه.. انا مش هعيش اللي باقي من حياتي في الفقر ده!
يا مدام سهير حضرتك عارفه ان مفيش حل في ايدي.. انتي خسړتي كل فلوسك وممتلكاتك بشكل قانوني.
زفرت سهير بعصبيه وجسدها يرتجف من شدة الڠضب
اعمل اي حاجة.. انت لازم تساعدني.. انت المحامي بتاعي.. فكر في اي حل.. ساعدني اعمل قرض او شوفلي حد يمول اي مشروع انا اعمله.. انا محتاجة فلوس بأي طريقه.
انا معرفش حد يكون ممول لمشروع.. بس ممكن اساعدك تاخدي قرض من اي بنك..
نظرت اليه يترقب وتحدثت بلهفة
حقيقي ممكن تساعدني اخد قرض
أومأ برأسه وتحدث بثقة
وانا هجيب ضمان منين للبنك.. انت عارف اني خسړت كل حاجة!
نظر امامه بتفكير قليلا ثم تحدث بهدوء
احنا ممكن نقدم ارض
