عالم الرويات

إن تعبي مش مخليني باكل إلا نفسي فيه وإنه بياكل إلا باكله عادي بالله ي جماعه شخص زي ده ميتوقعش ف حبه !
FLASHBACK.
يلا ي مريم نشوي لحمه .
أحسن تتحرق ي معاذ وبابا وعمو يحرمونا من مصروف المدرسه.
مټخافيش وجمدي قلبك بس .
طب يلا .
بعد مرور نص ساعه 
كح كح كح.
مريم مريم مالك فيه أي
ال... الدخان هيموتني مش قادره أتنفس ي معاذ .

مريم .
ماما.
ليه كده ي معاذ ي بني تخلي نور تقف معاك وهي عندها حساسيه من الدخان .
أنا أسف ي طنط مكنتش أعرف وأوعدك مش هتتكرر.
يلا ي مريم تعالي أديكي البخاخه تهديكي.
BACK.
من وقتها مش بيخليني أقرب من الدخان ولا أي حاجه بتتعبني حتى إنه عمره ما دخن سېجاره من وقت ما الموقف ده حصل ف طفولتنا .
وصلنا خلي بالك من نفسك .
حاضر .
امسكي الساندوتشات دي طنط عاملاهالك .
بالله ي معاذ رجعها مش هقدر أكلها وهتكسف أكلها وسط زمايلي .
استني .
مسك اللانش بوكس بتاع الساندوتشات وطلع ساندوتش كبدة وحط عليه كاتشب .
بتحبيه كده من وأنتي صغيره.
مسكت العلبة ومشيت شكرا .
ضحك بالله ي مريم فيه أي !
دخلت المحاضره وأنا ببص للانش بوكس وببتسم خاېفه لأكون بوهم نفسي وفاكراه بيحبني و ف الآخر يطلع بيعاملني ع إني بنت عمه أو اخته وهبقى علقت نفسي بحبال دايبه .
شكلك بتحبي ي بت .
يووه ي شروق خضتيني .
قوليلي حب جديد واحد من الجامعه هااا 
أننننن دمك سم .
بخبث ولا صحيح هتفكري إزاي ف حد من الجامعه وأنتي قلبك ف حتة تانيه !
قومي سيحيلي ي شروق قومي فيه بنتين هناك لسه مسمعوش.
ضحكت بهزر خلااص.
مش قولتي مش جاية 
سمعت صوت خناق بابا وماما كالعاده مقدرتش أستحمل أقعد ف البيت .
مسكت أيديها متقلقيش كل حاجه هتتحسن وهتروق وهتبقي فل .
يارب بقا.
عارفه مين وصلني النهارده 
مين 
معاذ .
احلفييييي.
يالهوي يالهوي إلا هتفضحنا أهه وربي .
السلام عليكم الهدوء ي دكاتره .
همست هتحكيلي بعد المحاضره خلي بالك.
كانت محاضرة فوناتكس وصحيح نسيت أقولكم أنا ف تانية أداب انجليزي الكلية مكانتش رغبتي بس القسم كان شغفي .
فتح الباب ودخل بسرعه أستاذ معاذ معلش هستأذن أنا علشان ورايا مشوار مهم.
خير فيه حاجه ي حسن
اتكلم وهو كله حزن أمي الجيران اتصلوا بيا وقالوا سمعوا صوت خبط ع الأرض ولأن أمي ست كبيره خافوا ليكون جرالها حاجه فكسروا الباب ودخلوا عليها لقيوها مغمى عليها ع الأرض وهي دلوقتي ف المستشفى.
مسك مفاتيحه وقفل اللاب توب بتاعه يلا بينا .
باستغراب حضرتك هتيجي معايا !
أيوة قولتلي ف مستشفى أي
أستاذ معاذ طول عمره بيعاملنا ع إننا أخواته ف الشغل عمره ما قل أدبه ولا اتعالى علينا بس فكرة إنه يروح معايا المستشفى بمجرد ما سمع إن أمي تعبانه دي مخطرتش ع بالي قبل كده .
في المستشفى 
طمني ي دكتور أمي عامله أي
الحقيقه مكدبش عليك أمك صحتها ف النازل ولازمها عملية حالا وإلا...
وإلا أي 
بنبرة أسف وإلا هتخسرها .
طيب أي المطلوب دلوقتي ي دكتور
هي مريضه كلى ولازمها عملية زرع كلية جديده وفيه متبرع بس هو طالب فلوس.
كام
يعني 50 ألف ده غير تكاليف العملية .
ح..حاضر هشوف وأتصرف.
بس يفضل متتأخرش قدامك ساعتين تاخد فيهم قرار وتكون دفعت الفلوس.
تمام.
الحوار كله كان تحت مسمعي ومن كلام حسن مع الدكتور فهمت إنه مش معاه يدفع بعد ما الدكتور مشي كان هو مسك تليفونه ووقف ع جنب بعدين سمعته بيطلب فلوس من واحد صاحبه.
ألو ايوة ي مصطفى اسمعني بس أنا محتاج فلوس فورا.
فلوس أي وأنت فين
ف المستشفى أمي تعبت وعاوزه عملية .
أيوة بس أنا مش معايا فلوس ده غير إنك مستلف مني قبل كده كتير ومرجعتهمش لحد دلوقتي ي حسن.
هرجعهملك كلهم ي مصطفى بس المره دي بس بالله عليك أنا محتاج الفلوس دي فيها حياة أمي .
أنا أسف ي صاحبي