قصه مشوقه
فبدأت تأكل منه علي الرغم من انه يسبب لها مشاكل في الهضم ولكنها خاڤت ان تحرك ذراعها اكثر
نظر اليها جاسر بحزن علي خۏفها لاحظ انها تبتلع الطعام رغما عنها
جاسر هو انتي بتحبي الرز
رؤي پخوف آه اه بحبه
جاسر غاضبا كدابه قولي الحقيقة
انتفض جسدها من صوته الغاضب وهزت راسها نفيا پخوف
رؤي بصوت منخفض نعمة ربنا كلها حلوة بس أنا الرز بيوجع بطني
بدل جاسر طبق الرز بطبق المكرونة
جاسر بتحبي المكرونة صح
هزت رأسها إيجابا
جاسر ردي عليا لما اكلمك
رؤي بصوت منخفض آه بحبها
غمز لها بطرف عينيه وتلاعبت ابتسامة مشاكسة علي شفتيه يا بختها
احمرت وجنتيها خجلا فاشاحت بوجهه وركزت نظرها علي الطعام امامها كانت تأكل بيدها اليمني ويدها اليسري موضوعه علي الطاولة ركز جاسر مع اصبعها الذي يوجد فيه الدبلة فلاحظ العلامات الزرقاء الموجودة في اخره بسبب ضيق الدبلة امسك كف يدها فانتفض جسدها بړعب نظرت له فوجدته يحاول برفق غير معهود منه ان يخلع الدبلة من اصبعها الي ان اخرجها بالفعل رأت الحزن في عينيه وهو ينظر إلى العلامات الحمراء والزرقاء التي احدثتها علي اصبعها
يا رب أهديه يا رب وما يرجعش زي الاول تاني
جاسر سرحانة في ايه
رؤي لا ولا حاجة الحمد لله انا شبعت
جاسر وانا كمان شبعت
رؤي طب قول الحمد لله
جاسر الحمد لله
رؤي تشرب شاي
جاسر مبتسما ااه يا ريت بالنعناع
فاقت من شرودها علي صوته وقد تبدلت ابتسامته باخري مشاكسة أمور مش كدة
رؤي بخجل ها لا ابدا عن اذنك هعمل الشاي
تركته واتجهت إلى المطبخ واعدت الشاي ووضعت له قطعة من الكيك وذهبت اليه فوجدته دخل الي غرفته
جاسر ادخلي يا رؤي
دخلت ووضعت الصينية علي طاولة صغيرة في الغرفة كادت ان تخرج
جاسر رؤي استني عايزك تعالي
اشار لها ان تذهب وتجلس بجانبه ففعلت كما طلب
جاسر بصي يا رؤي انتي طبعا لاحظتي ان معاملتي ليكي بدأت تتغير بس اوعدك انها ممكن ترجع أسوء من الاول لو غلطتي ولو غلطة واحدة في المشوار بتاع بكرة
جاسر رايحين نزور اختي
رؤي مبتسمة حماتي يعني ولا يكون عندك فكرة
جاسر اختي في مستشفي نفسية بس دا مش معناه انها مچنونة لو فكرتي تزعليها بنص كلمة حتي.......
رؤي مقاطعة ومين قال لحضرتك ان الي بيدخلوا المستشفي النفسية بيكونوا مجنانين بالعكس دول اعقل من الناس الي برة
رؤي عن اذنك
خرجت من الغرفة وذهبت ناحية المطبخ وبدأت تعد كيكة أخري لتأخذها هدية معها لأخته خبطت جبينها براحة يدها
رؤي نسيت اسأله اسمها ايه
نرمين اسمها نرمين
الټفت فوجدته يقف علي باب المطبخ
جاسر بتعملي ايه عندك
رؤي بعمل كيكة عشان ناخدها معانا لأختك
وضع جاسر علبة كريم صغيرة علي الطاولة في المطبخ
جاسر ادهني من دا علي صباعك والۏجع هيروح
رؤي صحيح هو انت خريج ايه
جاسر ساخرا هندسة حلوان
ثم تركها ودخل الي غرفته مرة اخري واغلق الباب اخذ قطعة الكيكة
جاسر اكيد مش هتبقي زيها
آكل قطعة صغيرة منها لتتسع عينيه في دهشة
فكان طعم الكيكة مطابق تماما للكيكة التي كانت تعدها له نرمين امسك الطبق وبدأ يأكل باستمتاع شديد
في منزل ياسر
دلف ياسر الي المنزل لتجري عليه ابنته الصغيرة سما وتحتضنه
سما بسعادة بااابي
ياسر حبيبة بابي وحشتيني
سما وانت كمان وحشتني اوي يا بابي انا زعلانة منك
ياسر ليه يا حبيبتي
سما عشان بتسيب سما طول النهاي لوحدها
ياسر اومال فين دادة سناء
سما بتعملي جيلي بالموز
ياسر مبتسما دلوقتي يا مفترية تخليها تعملك جيلي الساعة 10 بليل
سما ايوة هي بتحب سما وبتعمل لسما الي هي عيزاه
في هذه الاثناء خرجت من المطبخ سيدة في اواخر العقد الرابع من عمرها بشوشة هادئة الطباع والملامح
سناء حمد لله على السلامة يا دكتور
ياسر مبتسما الله يسلمك يا دادة
سناء احضر لحضرتك العشا
ياسر لا شكرا ماليش نفس
سما دادي هو انا مش هيوح عند مامي بقي اصلها واحشتني اوي
ياسر بعد الشړ عليكي يا حبيبتي
سما بابي هي مامي لسه مسافية
ياسر اااه يا حبيبتي
سما هتيجي امتي بقي دي وحشتني اوي
ياسر مغيرا مجري الحديث ايه رايك اخدك معايابكرة شغلي تتفرجي عليه
سما بجد هيه هيه هيه هيوح شعل بابي
ياسر ضاحكا انا لازم اشوف حل في موضع اللدغة دا قبل ما تدخل المدرسة لحسن هتقول اسمها سما ياسي شييف ياضي سما ياسر شريف راضي
ضحكت سناء على مزاح ياسر
في شقة جاسر انتظر جاسر حتي دخلت رؤي الي غرفتها وخرج بهدوء ودخل الي المطبخ يبحث عن الكيكة الي ان وجدها في الثلاجة
في غرفة رؤي
رؤي يوووه نسيت اجيب ماية
خرجت رؤي من غرفتها وذهبت لتحضر الماء فوجدت جاسر يقف في المطبخ ياكل من الكيكة كالطفل الصغير فابتسمت وذهبت الي غرفتها بهدوء
