روايه مشوقه

كانت تعبت فعلا وعاوزه ترتاح رحيم هز راسوا ووقف ومسك ايد مياده وخرجنا من الحفله واتحركنا خطوتين كدا وفضلنا واقفين مستنيين اي عربيه اجره توصلنا بس مكنش فيه عربيات سالنا شخص من الي موجودين في الشارع قالنا ان العربيات دي مبتجيش هنا في الاوقات دي وعلشان نلاقي عربيه محتاجين نمشي شويه نوصل للطريق العام
مياده بصتلنا وقالت بتعب انا مش هقدر امشي اكتر من كدا روحوا انتو وشوفلنا عربيه 

وفي الوقت دا بصلي رحيم وانا وقفت
مصدومه اما شوفتهم مرهقين وبيبصولي قولت پصدمه ااااه انا برضوا فرهدت بصراحه 
كان شايف كل دا ادم الي واقف في جناحه وشايف الي بيحصل نزل وركب عربيتو وقرب من رحيم وقال خير يا رحيم واقفين كدا ليه 
رحيم قرب منو وقال للاسف يا استاز ادم مفيش اي تاكسي موجود هنا 
ادم بصلي وبص لمياده وقال تعالو اركبوا وانا هوصلكوا 
بصلوا رحيم بدهشه وابتسم بجد يا استاذ ادماده هز راسو وكانت نظراته عليا وانا بصراحه خمنت الي حصل ولما رجع رحيم علينا وقالنا انو طلب يوصلنا مكنتش متفجأه ورحيم ساعد مياده تركب ومياده طلبت منه يقعد جمبها وانا فضلت واقفه برا سمعت صوت مياده اختي بتقول يلا يا رنا اركبي واقفه ليه 
بصلي وانا بصتلوا وبعدين ركبت وانا قلبي بيدق جامد ومش عارفه انا ليه مكسوفه اوي كدا 
قالت مياده پصدمة طيب هتروحي ازاي في الوقت دا 
اتكلم ادم وقال متقلقيش انا ممكن اوصلها في طريقي 
بصتلوا مياده بفرحه وقالت بجد 
هز راسو وابتسم وقال ايوا 
مياده قالت لرحيم شايف الزوق ابتسم رحيم وقال وهوا باصصلي روحي مع البشمهندش ادم يا رنا هيوصلك متقلقيش 
بصيتلو وانا برفض بعيوني بس رحيم نزل هوا ومياده وانا بصيتلو وقولتلو طيب انا هطلع
اجيب حجاتي من فوق 
هز راسو وهوا بيبتسم وانا نزلت معاهم وطلعت ورحيم وقف يتشكر ادم وانا طلعت معاهم للشقه واخدت هدومي وكتبي ونزلت
تاني بعد ما زعقت مع رحيم ومياده الي دبسوني معاه واول منزلت لاقيتو في العربيه ماسك تيلفونه ومشغول فيه كنت عاوزه امشي ومروحش عنده بس خۏفت لان الشارع كان ضلمة رجعت تاني وقربت منه وهوا ساب التلفون لما شافني ودخلت العربيه وقفلت الباب وكنت مكسوفه جدا وعاوزه الوقت يخلص باسرع وقت 
اتكلم وهوا بيسالني وانا من كتر ما اتوترت صوت ضربات قلبي كانت عاليه جدا لدرجه انها كانت مسموعه ! 
انتي مرتبطة 
انا قلبي حسيت بيه انو هيتطلع من جسمي بجد وبصتيلوا وهوا بص لعيني وابتسم علي شكلي 
ضحك ادم وقال