روايه غرام تركي جميع الفصول كامله بقلم لولو محمد
وشها
ماما قومي يا موكوسه يابنت الموكوسه هاتي طلبات الأكل عشان أبوكي الغالي جاي من الكويت انهاردة
غرام ياما هو كل ما أبويا يجي من السفر تقعدي تمشوري اللي جابوني متسيبيني أفرح بجايته مره في حياتي بدل ما انتي مكرهاني في عيشتي كده
ماما وهي بتوطي تجيب الشبشب شكلك مش هتقومي بالزوق
ماما 5 دقايق وتكوني قدامي
غرام تمام يافندم
قامت غرام غسلت وشها ولبست عباية وطرحه بسرعه وطلعت لمامتها ها ياست الكل عاوزه ايه
ماما هاتي نص كيلو لحمة مفرومه من عند عمك جمال الجزار متجيبيش مجمدة وهاتي كيلو مكرونة بشاميل وهاتي فرخة ٢ك
غرام وهي متنحة حاضر يا ماما
ماما اوعي تنسي حاجه يا غرام
غرام وهي بتخرج وتشد باب الشقه وراها عيب عليكي ده أنا غرام
نزلت غرام على السلم ولقت عيل واقف ضړبته على قفاه ازيك ياض ياحمؤه عامل ايه
غرام كان عندي ماتش كده المهم هنلعب انهاردة بإذن الله عرف العيال كلها
حمادة وهو بيجري اشطااااا
غرام اشطا عليك
جيت ماشية رجعت وقفت تاني هو انا كنت راحه فين يالاهوي عليا وعلى سنيني اه صح كنت راحه أجيب طلبات لأمي كانت عاوزه ايه بقى كيلو لحمة مفرومة مجمدة ونص كيلو مكرونة عادية وفرخة ٣ك وزبادي ونشا ومخلل وحاجة ساقعة ميرندا برتقان الله عليا وعلى ذاكرتي اللي ماما هتحسدني عليها وراحت بسرعه تجيب الحاجه ورجعت البيت تاني جيت تفتح بالمفتاح والمفاجأة مش لاقيه المفتاح لطمت على وشها بحزن من حظها اللي وقعها مع مامتها اللي هتهزأها عشان المفتاح اللي ضاع للمرة الألف خبطت پخوف وقلق من رد فعل مامتها واللي فتح علي أخوها
غرام بهمس المفتاح ضاع
علي دي ماما هتنفخك
خرجت مامتهم من المطبخ بسرعه
جبتي الحاجه يا غرام وواقفه عندك بسرعه يابنتي خليني ألحق أعمل لباباكي لقمة ترم عضمه اوعي تكوني نسيتي حاجه يا غرام
غرام عيب عليكي يا ماما جبتلك كل حاجه
خدت مامتها الكيس ودخلت المطبخ بسرعه
غرام هتطلعلي نسخه طبعا من غير ما أمك تعرف
علي يا غرام انتي مش هتفوقي لنفسك بقى يابنتي هو انتي وفجأة قاطعه صويت مامته اللي طلعت من المطبخ جري وهي ماسكه الشبشب وبتجري ورا غرام اللي جريت بسرعه بتلف حوالين السفره
غرام اهدي بس يا حاجه مكنش مفتاح اللي يوقع بينا كده
غرام عيب يا ماما كده خليكي أم حضاريه مش كده
ماما ده هختم على وشك بالشبشب هعاملك معاملة الموظف الحكومي اللي بيختم بالختم يابت وهختم بالشبشب على قفاكي وتقوليلي عيب عليكي يا ماما عيب عليكي يا ماما والاقيكي مجبتيش ولا حاجه من اللي قولتلك عليها
غرام وهي بتخبط دماغها بإيدها أخ أهو أنا قولتلكم مېت مره اكشفوا على ذاكرتي وانتوا اللي مش راضيين
ماما ما انتي لو تفوقي لنفسك وتسيبي التليفون ده من ايدك هتتظبطي نفسي أعرف هتفتحي بيت ازاي يا معفنه
غرام بالمفتاح يا ماما فجأة الشبشب لبس في وشها جريت بسرعه على أوضتها
ماما أنزل يابني هاتلي الحاجه اللي أنا عاوزاها ربنا يهديها
غرام وهي بتفتح باب الأوضة وبتخرج راسها منه يهديكي انتي لواحدك هيه وقفلت باب أوضتها تاني بسرعه
يتبع
٤
غرام ماما أنا خلصت تنضيف وهنزل استنى بابا تحت في الشارع ونزلت بسرعه قبل ما مامتها ترفض أو تقولها اعملي حاجه نزلت كانت العيال واقفين مستنينها
غرام ايه ده يا واد يا يوسف انت معاك شوكولاته
يوسف اه معايا
غرام طب تعالى نتسابق واللي يسبق ياخدها
يوسف ماشي يلا
غرام ويوسف جريوا وأثناء ما غرام كانت بتجري خبطت في واحد بشدة كانت هتقع بس هو لحقها بسرعه وسندها ووقفها
غرام تشكر يا وحش وفي نفسها ايه كمال الأجسام اللي دخل الحارة مره واحده ده
هو معلش يا قمر فين بيت أحمد عبدالغفار البدوي
غرام أؤمر حضرتك عاوزه ليه أنا غرام بنته
هو بصلها من فوق لتحت انتي بقى غرام
غرام ايه مش ماليه عينك والا ايه
هو ده انتي تملي عين الباشا يا باشا انت
غرام في نفسها ده شكله بيعاكس وأنا لو اتخانقت معاه وخدت منه قلم هتحول عليا الطلاق هتحول أسيبه يعاكس بقى وأمشي أنا طب بعد اذنك
هو استني بس مش عاوزه تعرفي أنا مين
غرام هتكون مين يعني
قرب منها أنا
رسلان شيلي الحظر بدل ما أشيلك أنا وأخطفك وغمزلها ومشي
فضلت غرام واقفه مكانها مش قادرة تتحرك من الصدمه وأول ما فاقت جريت على بيتهم لقت الباب مفتوح دخلت بسرعه وهي بتنهج وبتقفل الباب وراها وسندت عليه بضهرها
ماما مالك يابت فيكي ايه انتي مش هتبطلي لعب في الشارع بقى وتعقلي جاية تستخبي في البيت وتجيبيهم وراكي يابنت الهبلة والله أجببك من شعرك
