روايه فيروزة أيوب جميع الفصول كامله من الاول الي الاخير

قدمتلك ورقك في الكليه تقدري تروحي من بكره معايا. 
اتكلمت بدون ما ابصله_.. انا كبيره واقدر اعتمد علي نفسي كويس واروح لوحدي مش محتاجه خدمه منك. 
اتكلم بابتسامه مستفزه وهو بيقعد جنبي علي السفره_.. لا دي مش خدمه ده امر. 
_.. وانت مين عشان تأمرني. 
_.. جوزك. 
اتكلمت بعصبيه_.. انت عارف ان جوازنا علي ورق مش اكتر. 
_.. اخليهولك جواز حقيقي وڠصب عنك بس انا مش النوع ده. 
بصتله بخنقه_.. بكرهك. 
من قلبك !. 

سيبته وقومت من غير ما ارد عليه جه ورايا وشدني من ايدي وقربني منه لدرجه مكنش فيه فاصل بينا اتكلم بنبره توهت فيها_.. من قلبك يا فيروز !! 
اتكلمت وانا بحاول اكون ثابته ومضعفش من قربه_.. ايوب ابعد عني انا قولتلك مليون مره متقربش مني. 
_.. ردي علي سؤالي من قلبك. 
بصيت في عيونه

وبلعت ريقي بتوتر وجاوبت بجديه_.. ايوه وابعد عني. 
بصلي بنظره حزينه قدرت اميزها كويس_.. عاوزه حاجه من بره. 
_.. انت رايح فين. 
اتكلم وهو بيقفل الباب بعصبيه_.. في داهيه. 
مكنتش عاوزه اجرحه ولا اكسره بالشكل ده انا كدبت انا لسه بحبه مقدرتش اكرهه لسه حبه جوايا بيكبر كل يوم بس ڠصب عني كل اللي عيشته بسببه هو السبب ايوه انا مقتنعه بكده عدي وقت كتير فضلت مستنياه پخوف وقلق وخصوصا حالته وهو خارج مكنتش تبشر بالخير فوقت من شرودي علي صوت الباب وهو بيتفتح مسحت دموعي بكفوف ايدي وخرجت بلهفه قربت منه پخوف اتكلمت بزعيق_.. انت كنت فين كل ده وفونك مقفول لي رنيت عليك كتير. 
رد بتعب ظاهر علي ملامح وشه_.. كنت مع صحابي فصل شحن. 
اتكلمت بهدوء_.. انت كويس !. 
هز راسه بهدوء استوعبت اللي انا عملته جيت ابعد بهدوء قربني منه اكتر واتكلم بنبره حاده_.. خليكي انا مرتاح كده . 
مجادلتوش لانه فعلا كان مرهق اتكلمت بهدوء وانا بلعب في شعره_.. شعرك حلو اوي. 
ابتسم ابتسامه جانبيه_.. طب الحمدلله فيه حاجه عجبتك. 
حمحت بخجل_.. مش هتقول مالك. 
_.. انا كويس تعالي ننام عشان بكره اليوم هيكون مرهق. 
تاني يوم الصبح
حضرت الفطار افطر قبل ما نمشي. 
اتكلم بابتسامه_.. فيه شويه قوانين كده هقولهم لازم تمشي عليهم عشان نبقي حلوين مع بعض. 
بصتله باستغراب فتابع كلامه بجديه_.. ممنوع تكلمي او تقفي او تصاحبي ولاد عموما ممنوع تعملي مشاكل في الكليه. ممنوع تروحي البيت من غيري. لو حد اتعرضلك تيجي تقوليلي لو ملقتنيش تروحي لعميد الكليه. لسانك اللي بينقط سكر ده تخليه هنا في البيت. معنديش مانع تصاحبي وتتعرفي بس علي بنات. وفيه بنات قليله الادب دول تبعدي عنهم لو صاحبتي حد منهم انت حره صاحبي الناس اللي شبهك. 
بصتله ببرود وانا باكل_.. خلصت !. 
اتكلم باستفزاز_.. مش عارف لو افتكرت حاجه تانيه هبقي اقولك. 
_.. خلي قوانينك لنفسك انا هعمل اللي انا عاوزاه وبعدين ليا ايدي هتصرف انا اروح اشتكي ليك وللناس لي. 
ضړب كف علي كف وضغط علي ايدي واتكلم بعصبيه _.. انت حره اتقي شړي احسنلك وخلينا حلوين مع بعض عشان مزعلكيش وتشوفي وش تاني لايوب. 
بصتله بتوتر وانا بسحب ايدي منه_.. انا مش هعرف حد اصلا اننا متجوزين احنا اغراب يا ايوب لا تعرفني ولا اعرفك ياريت تعمل كده. 
جز علي اسنانه بعصبيه حاول يتكلم بنبره عاديه لكن ظهر فيها حزنه بسببي _.. هيا وصلت لكده يا فيروز عملتلك ايه لكل ده . 
اتكلمت وانا بحاول اغير الموضوع _.. سديت نفسي قوم خلينا نمشي. 
مسك ايدي واتحرك بهدوء من غير ما يتكلم ولا كلمه ولكني كنت قادره اميز ملامح وتعابير وشه اللي بتتغير بسبب كلامي ليه حاسه ان زودتها معاه. 
_.. سيب ايدي انت قولتلي لما نوصل وهسيبها. 
اتكلم وهو بيبصلي_.. انا كده عرفتك كل مكان هنا في الكليه لما تخلصي تستنيني هنا. 
هزيت راسي بهدوء