روايه سمرائي انتي حقي (جميع الفصول كامله) بقلم سعاد محمد سلامه
عارف سبب لتحكمات ماما دى بس أنا ليا عين هتنقلى الحنه بث مباشر
فى نفس اللحظه بكى طفل عاصم الصغير نهض عاصم به واقفا يحاول أسكاته وفكر قليلا لما لا
أقترب به من عامر يقول عندى فكره متأكد من نجاحها وهتشوف سولافه
قال عامر بلهفه ها قولى
ضحك عمران يقول أيه هتلبسه طاقية الاخفاء ولا هيتنكر فى ست متنقبه
ضحك الأثنان وتحدث عاصم أقولك خد الواد ده وديه لسمره وأتحجج بيه قولها بيعيط ومش راضى يسكت وعاوز يشوف سلو
نظر عامر للطفل وقال الواد ده حلو قوى زى الفراوله وممكن هو الى يخطف منى سولافه بعنيه الحلوه دى بس مفيش مانع أهى فكره برضو لابد من المخاطره هات الواد
ضحك عمران وأمسك يد الصغير قائلا أطمن يلا ربنا يوفقك أهو الواد
مش مبطل بكى وصوته هيفضحك قبل ما توصل للاوضه الى فيها سولافه
تحدث عامر يقول لأ أطمن أنا هعرف أسكته قبل ما أوصل بس أنت خليك ماسك الواد ده
فضحكوا على أفعاله المتصابيه وتصديقه لهم
تحدث عمران يقول
تفتكر هيشوف سولافه من غير ما ماما تشوفه
رد عاصم لأ طبعا تعالى نتفرج بنفسنا
بينما فكر عامر فى طريقه لاسكات الطفل فذهب الى المطبخ حين رأى
الصغير حبات
الفراوله موضوعه بطبق مد يده عليها
تبسم عامر يقول هى الفراوله يلا خد لك حبه حلوين أهم
وأكل واحده وتوجه الى المكان الذى يريده
بينما بغرفة العروس
كانتا تقفن الى جوارها كل من
سليمه وسمره دخلت أليهن وجيده مبتسمه تقول
بناتى الحلوين القمرات ها العروسه خلصت ولا لسه
ردت سمره والله العروسه بقت قمر دى محدش هيظهر مننا جنبها
ردت سليمه لما أنتى يا سمره تقولى كده أنا بقى أنط من البلكونه بس بجد أحلى واحده فينا هى سولافه يا بختك يا عامر
نظرن كل من سليمه وسمره ل سولافه يغمزن بعيناهن
لتبتسم سولافه بحياء
ضحكت وجيده قائله لأ الحياء ده مينفعش مع عامر ده بقاله تلات سنين كاتم فى نفسه
وعلى سيرة عامر
سمعن طرق على الباب
وفتحت الباب ثم خرجت من الغرفه أغلقت خلفها الباب حين وجدت من يقف أمام الباب هو عامر
جذبته من يده جوار الباب قائله أيه الى جابك يا عامر انت اټجننت عاوز مرات عمى تشوفك وتقولك أيه الى جابك وخلاك تكسر كلمتى
تبسم عامر وفيها أيه يعنى أما أشوف سولافه بفستان الحنه
تبسمت سمره قائله ده فال مش حلو وبعدين ما قولتلك هبقى أبعتلك صور فى الخباثه يبقى جاى ليه
رد عامر أنا عاصم أدانى أبنك الصغير وقالى روح وديه لسمره أهو تتحجج بيه
ضحكت سمره وهى تأخذ الطفل منه قائله أيه ده من الى أدى للولد الفراوله دى كلها مش عارف انه بيجى له حساسيه لو كال كتير منها
أخذ عامر احدى الفراولات من يد الصغير وقام بأكلها قائلا هات يا أبن العصفوره خطة أبوك فشلت
بكى
الصغير حين أخذ منه الفراوله
هدهدته سمره الى أن سكت
كان هناك من يراقب عامر وضحكوا عليه
رأتهم سمره تبسمت قائله أهو عمران و عاصم واقفين يراقبوك ضحكوا على عقلك وقالولك تجى لهنا وفى الأخر بيضحكوا عليك أهو
تبسم عاصم وعمران وهم يقتربوا من مكان وقوف سمره وعامر
أخذ عاصم من يد الصغير فراوله
فتحدث عامر قائلا يعنى عاصم خد منك فرولايه معيطش ليه ولا هى جت عليا ما أبوك عايم فى الفراوله مع أمك يا أبن العصفوره
ضحك حمدى أبن سمره وعلى صوته قائلا عارفه يا مامى عامر كان بيرتعش
نظر عامر للطفل قائلا عامر كده من غير ألقاب كنت بلعب معاك فى الحضانه خليك محترم زى رفعت أبن عمك عمران هو وسلمى بيقولوا يا أونكل عيال متربيه صح مش تربيه سو زيك
ضحك جميهم وتحدث عاصم قائلا تربيه سو زى الى بيربيه نفس الطباع مين الى واخده فى أيده رايح جاى دا حتى أنت جايب له بدله صغيره نسخه من بدلتك
ضحكت سمره قائله والله معظم الوقت مش بيسمع كلامى وأدور عليه ألقاه فى المطبخ ومبهدل نفسه ومفجوع طول الوقت عاوز الى يأكله بأيده وياريت بيبان عليه عامل زى المسمار
ضحك عاصم وعمران الذى قال من بين ضحاته قولتلك يا عاصم أبعد الواد عن عامر هيطبعه بطباعه عندك رفعت أبنى عاقل وهادى أنما أنت أبنك حتى مامته بتتشكى من أفعاله الهبله
نظر عامر لهم بغيظ على أستهزائهم به فنظر لحمدى قائلا بقولك أيه يا واد يا حمدى تعالى معايا عندك ليك مفاجأه أنا جايب طن أيس كريم فى الفريزر تعالى وسيبك من أمك العصفوره
مد حمدى يده الصغيره لعامر قائلا بفرحه عارمه يلا يا عمورى وناكله كله بس نسيب لنونا بنت خالوا طارق
جلس عامر القرفصاءفتشعلق الصغير بعنقه من الخلف تحدث عامر وهو يخرج لسانه ل عاصم قائلا أيوا يا حمدى ركز مع البت نونا دى علشان أبقى شاهد على جوازك منها ڠصب عن أبوك
غادر عامر وحمدى بينما ضحك كل من سمره وعمران بينما أستهزئ عاصم من قوله
بغرفة عامر
جلس عامر وحمدى بيد كل منهم بوله كبيره بها أيس كريم
نظر عامر الى البوله التى بيد حمدى قائلا
أنت الأيس كريم بتاعك بطعم أيه
رد حمدى بطعم الشيكولاه
سخر عامر قائلا شيكولا وماله بقولك بتاعتى بطعم المانجه تبدل
رد حمدى قائلا لأ أنت بتضحك عليا كل مره
وبتاعتك بيقى فيها حبه صغيرين وبتاعى كتير لأ يا عموره
تحدث عامر بمكر عاوز تكبر وتبقى واد عضلات وټضرب الى يضرب البت نونا فى الحضانه بدل معايا البوله دى فيها قوى سحريه
صدق حمدى الصغير قوله وقال له ماشى يا عمورى
لكن قبل أن يتم التبديل بينهم رن هاتف عامر برساله بل بأكثر من رساله
فتح الهاتف
وبدأ يرى الرسائل التى عباره عن صور لسولافه بالحناء وأخيرا فيديو
رأها ترقص
نظر له الطفل قائلا بتكلم نفسك يا عموره أنا خلاص مش هبدل معاك الأيس كريم هروح أكلها مع سلمى بنت أونكل عمران هى بتحب أيس كريم الشيكولاه
نظر له عامر يقول واضح أن أبن العصفوره بيلعب على كل الأطراف
يلا طريقك أخضر
بعد وقت أنتهت الحنه
كان عاصم بشقته ينتظر سمره أن تعود الى الغرفه لكن تأخر الوقت ولم تعود
فتعجب وأتصل علي هاتفها
ردت سمره عليه
تحدث سريعا بقينا نص الليل هى الحنه مش خلصت أنا فى شقتنا مجتيش ليه
ردت سمره معليشى يا عاصم نام أنت يا حبيبى أنا هنام مع سولافه الليله
رد عاصم بأنزعاج تنامى فين لأ طبعا مش موافق أنتى وحشتينى
همست سمره بالهاتف قائله مش هينفع أجى يا عاصم صدقنى علشان خاطر سولافه متنساش أنها وحيده من بعد ۏفاة عمتي ولازم منحسسهاش أنها وحيده يلا تصبح على خير
قالت سمره هذا وأغلقت الهاتف
على الجانب الآخر بشقة عمران
تعجب هو الأخر سليمه لم تصعد الى الشقه فكر أن ينزل لها لكن قد تكون بين بعض النسوه ولكن الوقت تأخر فأتصل عليها
ردت سريعا عليه
قال عمران بتلهف سليمه مطلعتيش لشقتنا ليه الحنه خلصت من بدرى
ردت سليمه بأسف معليشى يا عمران أنا هبات هنا مع سولافه الليله أنت عارف سبق قبل كده هى وسمره ساعدوني وفضلوا معايا وأنا حاسه بيها وبوحدتها أنا هبات معاها الليله يلا تصبح على خير
قالت هكذا وأغلقت هى الأخرى الهاتف
نظر عمران الى الهاتف زفر أنفاسه بضيق ونهض يخرج من شقته
بينما أغلقت سليمه هاتفها ووضعته جوارها تبسمت لها سمره قائله عمران وافق كده بسهوله أنك تباتى معانا
ضحكت قائله مدتلوش فرصه قطبت على الكلام بسرعه بصراحه أنام هنا الليله بكرامتى بدل أروح له وهو الى يطفش ويسيبلى
الشقه
ضحكت سمره هى الاخرى قائله أنا قولت كده برضوا عاصم مش بيحب الحنه ولا بيطيق ريحتها حتى قبل حنتا
وصانى وقتها بلاش الحنه بس معرفش أيه الى خلانى أرسم حنه النهارده بصراحه كان نفسى أرسم حنه يلا هى الليله وبكره ريحة الحنه تكون راحت ومش هيفضل غير الرسمه
ضحكت سليمه قائله وأنا كمان عمران قالى نفس الشئ بس حبيت أجرب
ضحكت سولافه عليهن قائله يعنى أنتوا هاربانين من
عاصم وعمران وهما مفكرين أنى السبب
ضحكن لها
تبسمت لهن قائله غريبه عامر مقاليش أرسم حنه أو لأ
ردت سمره قائله أطمنى عامر مش هيفرق معاه الحنه ده ما صدق أنك توافقى عالزفاف
فى نفس اللحظه بكى طفل سمره الصغير
تحدثت سمره وهى تحمله قائله وحضرتك بقى كمان ريحة الحنه بتزعجك زى باباك ولا جعان
تبسمت سليمه قائله كويس أن طنط وجيده أخدت الولاد كلهم يباتوا معاها مفيش غير محمود علشان متعلق بيكى
تبسمت سمره قائله مش عارفه ليه الواد ده مش زى أخوه منفضلى أنا و عاصم لأ ده بحس ساعات أنه بيحب عاصم أكتر منى خليه معاكى هنزل أحضرله بيبرونه وأرجع بسرعه هنسهر سوا سهرة سلايف بقى ونقطع فى فروة الصقور التلاته رجعالكم بسرعه يا حلوين
فى نفس الوقت تقابل عاصم مع عمران بالحديقه صدفه ورؤوا عامر يجلس فذهبوا أليه
تحدث عمران بسخريه وهو يربت على كتف عامر يا عينى على السهران يعد النجوم أمال هتعمل أيه الليله الجايه
ضحك عاصم وهو يجلس قائلا هيعد النجوم برضوا متقلقش أحنا أهو بسببه نازلين نعد معاه النجوم بقولكم أيه يا شباب الجو حر هدخل المطبخ أجيب لنا عصير وأرجع نسهر سوا فى كام موضوع خاص بالشغل أهو فرصه نتناقش فيه
بالمطبخ
أكملت سمره بيبرونة الحليب الخاصه بطفلها وكانت ستغادر المطبخ لكن أصتطدمت ب عاصم على الباب فأنخضت ووقعت منها البيبرونه على الأرض
أنحنت سريعا لتأخذت البيرونه لكن أنحنى عاصم هو الأخرمعها فوقعت عينه على رسمة الحنه الظاهره على يديها فأمسك
