رواية خطيبتي
الغلب ده يا ربي
معتز
هو انتي كل ما حد يطلب منك حاجه لازم تسمعي العماره كلها
مريم
ما هو من عمايلك انت وعيالك انتو زهقتوني كل واحد فيكم بطلب خنقتوني كبرتوني وانا لسه في عز شبابي
انس
ماما انا عايز اا
قاطعته مريم وهي بتقلع الشبشب وقالت
انت ايه اللي قومك يا منيل علي عينك مش انت متنيل تعبااان
لا والنبي الشبشب لا مش هقدر اجري وبعدين قومت عشان جني جايه
معتز
يخربيت ابوووك جايب نسوان لحد البيت كمان
انس بغيظ
يا بابا دي جني جني قريبت عزت صاحبك ده
معتز
اممم وجيالك ليه بقي
انس
جايه تطمن عليا وبعدين هي جايه ومتوتره وقلقانه وعايز بعني لو سمحتو لمره واحده تقفو جنبي
مريم بحماس
انس بقلق
ربنا يستر علي العموم انا داخل البلكونه ولما تيجي خلوها تيجي تقعد معايا هناك
ودخل انس البلكونه ومعتز قال
مريم الرز بلبن يا ماما بسرعه
مريم بغيظ
بقولك ايه يا راجل انت يا تنزل مع حازم يا تتخمد قعدتك في وشي كده حارقه دمي
مش عاجبك امشي الباب يفوت جمل
مريم
قولي بقي هي مين اللي بتطفش فيا عشانها دي
معتز
يا وليه اتلمي بقي وبعدين اطمني انا کرهت الصنف كلهواكل رز بلبن قبل ما
انام وزي ما كانت بتعمله امي الله يرحمها
مريم
ما تروحلها وتخليها تعمله ليك بدل ما انت قارفني كده
وسابها ودخل اوضته وهي دخلت المطبخ وبعد شويه الباب خبط وراحت مريم تفتح وهي بتقول
ماشي يا معتز عاملي فيها اطرش دلوقتي
وفتحت الباب ولقيت جني ابتسمت مريم وقالت
اهلا اهلا يا حبيبتي تعالي نورتينا
دخلت جني وقالت
بنور حضرتك يا طنط هو انس موجود
مريم
ايوه موجود هيروح فين يعني وهو مكسح كده
جني وهي بتديها علبه صغيره
اتفضلي يا طنط طيب انس كان قالي ان حضرتك بتحبي الملبن الاحمر واا
مريم بفرحه كبيره
جني ضحكت وقالت
دي اقل حاجه يا طنط
مريم
بصي ما تقوليش لحد انك جيبتيلي تمام دول هياكلوه مني
جني
لا خلاص مش هقول لحد ممكن بس اشوف انس
مريم
في البلكونه اهو قاعد مستنيكي
دخلت مريم المطبخ ودخلت جني البلكونه ولقيت انس قاعد بيأكل العصافير
جني
مشغول اجيلك في وقت تاني
لا ازاي ده انا ما صدقت تعالي اقعدي ماما سالتك تشربي ايه ولا لا
جني
لا لا مالوش لزوم وو
قبل ما تكمل كلامها لقيت مريم داخله وهي ماسكه صنيه عليها طبق مكرونه وطبق كبده وقالت
مريم
اقعدي يا حبيبتي بصي انتي تاكلي دول لحد ما اعملك كوباية لبن عشان تدخني شويه بدل المنظر ده
انس پصدمه
ماما ايه اللي بتعمليه ده ما يصحش
قعدت مريم وقعدت جني جنبيها وفضلت تأكلها وقالت
اسكت انت البت ما فيهاش حاجه عايز الناس تاكل وشنا ولا ايه يوم الفرح
جني بقلق
خلاص يا طنط انا والله مش قادره اكل تاني
مريم
افتحي بوقك يا بت انتي بدل ما اقلع الشبشب ده انتي داخله علي جواز وخلفه وهم ما يتلم
انس بغيظ
والله انا اللي غلطان بس مااشي وانتي كلي هي مش هتسيبك خلاص
مريم
ايوه اسمعي كلامه قوليلي انتي بتعرفي تطبخي ولا لا
جني وهي بتبلع الاكل
ايوه يا طنط بعرف بس مش اووي بعني عشان لسه صغيره
مريم
هو ايه اللي صغيره ده انتي اللي قدك فاتحه بيوت وبتربي عيال كلي كلي المهم بلاش تتعلمي لما تتجوزي انا هبقي اعلمك اصل الواد انس ده مش اي اكل بياكله
انس پصدمه
يا ماما مش كده والله العظيم ما ينفعش اللي بتقوليه ده
مريم
اسكت انت عارفه يا جني ده مغلبني في الاكل ابقي طابخه وعيني طلعت في تجهيز الاكل والاقيه جاي لاوي خلقته ويقولي انا مش عاجبني الاكل ده عايز حاجه تانيه فلازم تتعلمي الاكل اللي هو بيحبه وتعمليه والا هيطلع عينك
جني
حاضر والله بس ارجوكي كفايه والله مش هقدر اكل تاني
انس
ماما في رز بلبن بابا عايزه والا هيتخانق معاكي
قامت مريم بسرعه وقالت
يالهوي فكرتني طيب خليها تاكل وما تتكسفش عشان لو جبت ولقيت الاكل زي ما هو هرمبها من فوق
وطلعت مريم وقال انس
انا اسف جدا والله مش عارف اصلح اللي حصل ده ازاي
جني وهي بتشرب مايه
لا عادي حصل خير وبعدين مامتك طيبه اووي و
قبل ما تكمل كلامها سمعت معتز بيزعق بره وبيقول
معتز
فول سوداني ايه اللي حطااه علي الرز بابن انتي بتعكي يا وليه يا خرفاانه
مربم بعصبيه
ما انا بقيت خرفانه من لما قعدت معاك يا راجل يا قرشانه انت روح منك لله انت وعيالك قرفتوني
انس بغيظ
جني قومي امشي انا غلطااان اني قولتلك تيجي هنا
ضحكت جني وقفلت باب البلكونه وقالت
لا عادي ولا يهمك والله يا بختك بيهم يعني جو العيله ده حلو جدا
انس ابتسم وقال
تعرفي ان عمري ما جه في بالي اخلي واحده من البنات اللي عرفتهم تيجي هنا وتتعرف علي اهلي
جني بضيق
هما كتير بقي
انس بتوتر
احمم يعني مش اووي بصي اللي عدي ده حاجه ولما عرفت جني بقيت حياتي حاجه تاني خالص
ابتسمت جني وبصت للارض وقال انس
هو انتي روحتي الجامعه وجبتيلي اجازه النهارده
جني
ايه ده مين قالك انا لسه كنت هقولك
انس
واحد صاحبي قالي كنت متوقع ان حد من اهلي يعمل كده بس هما هنا كل واحد مشغول في حاله
جني
هو مش احنا اصدقاء فعادي يعني
انس غمزلها
طبعا عادي تتردلك في الافرااح المهم بقي كلميني عن نفسك اكتر انا ما اعرفش عنك حاجه يعتبر
جني
مش لازم تعرف الحاجه بتكون احلي لما تكتشفها و
انس
لا علي فكره ده اي كلام احكي يلااا
جني بغيظ
اقولك حاجه وما تزعلش انتو عيله قليلة ذوق كل ما اتكلم تقاطعوني ومش بعرف اكمل كلامي
انس
لا وازعل ليه احنا كده فعلا عيله مالهاش نظاام و
دخل معتز عندهم وقال
ازيك يا بنتي عامله ايه
جني
الحمد لله يا عمو حضرتك عامل ايه
معتز
كويس يا بنتي الحمد لله ممكن بس تقومي بس ابص علي المحفضه بتاعتي كانت هنا من شويه
انس
مش وقته يا بابا طيب
معتز
لا وقته امك واقفالي بره عايزه الفيزا عشان هننزل نجيب رز بلبنبدل اللي باظ منها
جني
اتفضل حضرتك يا عمو دور عليها انا اصلا ماشيه عشان اتاخرت
انس
ماشي يا جني بابا هيخلي السواق يوصلك
معتز
يا مريم شوفي المحفضه عندك مش موجوده هنا
مريم
هو انت اتشليت ما تيجي تشوفها وبعدين مش هنزل معاك روح هاته لوحدك
ودخلت وهي ماسكه كوباية لبن وقالت
امسكي
يا جني يلا اشربي اللبن مش عايزه نقطه في الكوبايه
جني پخوف
لا لا والله العظيم انا مش بحب اللبن
معتز
ليه بس ده فيه كالسبوم وحديد اسمعي كلامها واشربي
انس بعصبيه
باااس ارحموها كفايه تعالي يا جني هوصلك لبره
مريم
اتوكس انت قادر تتحرك يا مكسح احنا هنوصلها في طريقنا
ابتسمت جني وقالت
مش عايزه اتعبكم والله
انس پخوف
ده لو وصلتي بخير اصلا علي العموم ابقي طمنيني عليكي لما توصلي
اتوترت جني وقالت معتز
ما تتلم يالا ايه المحڼ ده يلا با بنتي بينا هنوصلك
بقلم الكاتبه رحاب القاضي
وفي بيت احمد مندور كانت نسمه نايمه في اوضتها اللي كانت في بيت عمها لما كانت قاعده عندهم واحمد قاعد جنبيها وباصلها بحزن
احمد
هتتعوض يا نسمه كل حاجه هتتصلح
دخل مندور وقال
احمد تعالي يا ابني وسيبها ترتاح الدكتور قال هي لازم ترتاح
طلع احمد وقتد مع باباه اللي قال
ما كانش لازم تقولها كل حاجه مره واحده كده اهي تعبت
احمد بدموع ماليه عينه
كان لازم تعرف حقيقته يا بابا
مندور
بس هو لسه جوزها وانت بتقول انه لسه عايش
احمد
هخليه يطلقها ولو راجل المره دي يفكر باخدها مني
مندور پحده
وانت فاكر الكام واحد اللي موقفهم بره دول هيسدو قدام امجد البحيري كفايه بقي انا تعبت يا ابني ومش هتحمل تجراجلك حاجه كفايه انك بدل ما تبقي محامي محترم زي ما كان حلمك بقيت مچرم وبلطجي
احمد بحزن
هو مش بيقولك الحب ليه ضحاېا انا مستقبلي كان ضحېة حبي لنسمه وانا لو معرفتش احميها المره دي منه يبقي ما استهلش اعيش يوم واحد في الدنيا خلي بالك منها انا هروح مشوار وراجع
بقلم الكاتبه رحاب القاضي
وعدي شهر علي ابطالنا وعلي كورنيش النيل في القاهره كانت قاعده ناني ومعاها اياد وقالتله
ناني
بقالك اسبوع بتزن عليا عشان نتعشي مع بعض وفي الاخر جايبني اكل علي الكورنيش
اياد
انتي ايه الاليطه دي ما انا عزمتك كتير في مطاعم نغير بقي شويه وبعدين ما انا جايبلك سوشي اهوو
ناني
بس يعني مش حباها العزومه دي بس
اياد
مش مهم المكان المهم اننا مع بعض
سكتت ناني وكانت مدايقه وقال اياد
بصي عشان تعرفي اني فاهمك كويس انا عملت حسابي وجيبتلك شمعتين اهمم
ناني ضحكت ڠصب عنها وقالت
والله يا اياد انت لوحدك كده قادر تحلي اي حاجه
اياد فرح وقال بصوت عالي
ايه الجمااال ده الله عليكي يا ست وقد نطق الحجر اللهم لا حسد
ناني
ارتحت انت كده لما الناس اتفرجت علينا ۏلع الشمعتين وخلصني
طلع اياد الولاعه بتاعته وۏلع الشمعتين وقبل ما يشيلها مسكتها ناني وقالت
ناني
ولاعه يا اياد
اياد بعدم فهم
وفيها ايه ولاعه بۏلع بيها هو انتي ليه بتبصيلي كده كانك قافشه معايا واحده
ناني
لا لا انت تروحني بقي بتشرب سجاير يا اياد انا مستحيل اتجوز واحد بيشرب سجاير
مسك اياد الولاعه وطلع السجاير من جيبه ورماهم في المايه وقال
اياد
مرضي كده يا اسطاا
ناني
انت كمان بترمي الحاجات دي في النيل ايه الاهمال ده
اياد
يا بت انتي مين مسلطك عليا
ضحكت ناني وقالت
لا خلاص تعالي بقي ناكل عشان انا جعانه اووي
اياد
صدق الشاعر لما قالاريد أن اهديك كنوزا من الكلمات لم تهد لامرأة قبلك ولن تهد لامرأة بعدك
ناني وهي بتخفي كسوفها
ده عصام صاصا ده
اياد
يلا يا بت انتي من هنا
ضحكت ناني وفجاه موبيلها رن واياد قال
مين بقي اللي بيكلمك
ناني بضيق
مستر فؤاد صاحب القنااه
ساب اياد الاكل وقال
اممم ماله بقي عايز ايه المستر
ناني
اقولك ولا تزعلش
بصلها اياد وسكت وناني قالت
طيب مش هقول انت خوفتني منك لا ما خوفتنيش انا مش بخاف من حد اصلا
اياد بجمود
في ايه يا ناني احكي
ناني ابتسمت وقالت
طلب يتجوزني وقالي عايز يقابل بابا
اياد بهدوء
طيب مبروك يلا بقي نمشي
ناني
انا هرفض يا اياد علي فكره وعشانك و
اياد ضحك بسخريه وقال
اممم لسه هترفضي لا برافو عليكي والله ما انا لو ليا لازمه في حياتك مش هتعملي كده انا ماشي
وقام بسرعه وهي راحت وراه وقالت
يا اياد اي حركات العيال الصغيره دي
اياد پحده
لا والله انا برضو طيب ما قولتيش ليه من اول ما قالك لا وانا ما اعرفش من وقتها ليه
ناني
ما جاتش مناسبه اقولك وبعدين انا هرفض يا اياد بس بطريقه لطيفه
اياد
بت انتي متعصبيش امي عليكي المفروض اني بعد بكره متزفت معاكي لاسكندريه عشان اخطبك وفي نفس الوقت في واحد مستني ردك عليه علي موضوع جواز عارفه انا لو فضيته في دماغك دي ما حدش هيلومني اوعي كده من وشي
ضحكت ناني وقالت
هههههههه ده يارب يتقدملي كل يوم عريس عشان تغير عليا كده
اياد پحده
اضحكي اضحكي ما انا
