رواية خطيبتي
بيت كانت مريم مدايقه وقالت اول ما دخلت
مريم
في ايه طيب يا جماعه كلكم كده قالبين خلقتكم ليه وانت يا اياد ايه اللي خلاك تسيب الحفله وتمشي
انس
دورت عليك يا اياد انا وخالد وقالولي انك مشيت
اياد بص لمعتز وقال
اسألو بابا السبب ايه وايه اللي قالو لناني يخليها تسيب الحفله وتمشي وتقرى تنهي كل حاحه بينا قبل ما تبدأ
قول لنفسك رايح تحبلي بنت مچرم يا حضرة الظابط ومش اي مچرم ابوها قتل ابويا
اټصدم الكل ومريم قالت
ازاي الكلام ده انا مش فاهمه اي حاجه
معتز
افهمك يوسف اللي خطڤ البيه مني زمان وهو صغير هو ابو ناني
اياد بدموع
انت بتقول ايه ازاي يعني الكلام ده ناني باباها اسمه بهاء فخر الدين
مريم بضيق
ما هو بهاء ده كان صاحب باباك وكان بيحب مرات يوسف اللي قتل جدك واخد بهاء التوأم ومشي من القاهره الكلام دن عدي عليه فوق العشرين سنه
تمام يا بابا الكلام ده عدي عليه زمن ودلوقتي ناني بنت الدكتور بهاء وانا مش فارق معايا غيرها ومش هسيبها
انس
معاك حق ذنبها ايه ناني في ابوها اللي هي الله واعلم تعرفه ولا لا اصلا وبعدين ناني محترمه جدا و
معتز پحده
اخرس خالص هو انت حد اصلا طلب منك تتكلم
مريم
بالراحه يا معتز في ايه احنا بنتكلم وبنتناقش
ما فيش اي نقاش الموضوع منتهي والبنت دي اسمها مش هيتذكر في البيت تاني
اياد پغضب
انا اسف يا بابا بس الطلب ده مش هقدر اقولك عليه حاضر لانك هتسمع اسم ناني كتير هنا
معتز پحده
يعني ايه هتعارض قراري يا اياد هتتجوز اللي ابوها قتل جدك
اياد بضيق
ايوه هتجوزها ومش هسيبها عشان هي اا
قاطعه معتز پحده وقال
اياد
لا انا مش غبي وبفكر كويس وناني وانا مالناش اي ذنب في الماضي بتاعك وبتاع ابوها اللي انا واثق انها ما تعرفش عنه اي حاجه
مريم
بالراحه يا اياد نتكلم بالهداوه ونوصل لحل وسط
معتز بجمود
هي كلمه لو اتجوزت البنت دي لا انت هتبقي ابني ولا اعرفك
تمام ابقي يا انس هكلمك تجيبلي هدومي بكره
مشي اياد ومريم كانت رايحه وراه بس معتز مسك ايدها وقال
معتز پحده
ابقي لما تقابلها قولها ان ابوك هو اللي قتل ابوها وجدها من خمسه وعشرين سنه عدت
مريم پبكاء
حرام عليك يا معتز ليه بتعمل كده
اياد بضيق
برضو مش هسيبها يا بابا
قال كلامه ومشي ومريم قالت بدموع وخوف
انس روح ورا اخوك يلا و
معتز پحده
لا مش هيروح وراه ولا هيقابله ولا يكلمه وانتي كمان يا مريم هو لازم يسيب البنت دي مستحيل بنت يوسف تدخل بيتي ولا تبقي واحده من العيله
انس پحده
انت ليه بتعمل كده بجد حرام عليك
معتز
انت بتتدخل ليه في اللي مالكش فيه انت روح شوفلك بار تسهر فيه او بنت تجري وراها
مريم بدموع
حرام عليك بقي يا معتز انت ايه مش هتتغير هتفضل طول عمرك كده
انس پغضب
معاك حق بس انا بقيت كده بسببك بقيت كده بسبب انك طول عمرك بتقلل مني دمرتني ودلوقتي بتدمر اخويا عشان انت اصلا بني ادم مريض واناني
ضربه معتز بالقلم وقال بعصبيه
يالا يا قليل الادب يا بتبجح في ابوك هي دي الاخلاق
يا مريم هي دي تربيتك يا هانم
مريم وقفت بينهم وقالت وهي بټعيط
خلاص يا معتز ابوس ايدك خلاص بقي كفايه
انس زعق فيه وقال
انت بتضربني ليه اقولك انا ليه عشان اللي انا قولته حقيقتك انت ديما بتدعي انك ناجح بس انت فاشل نجحت في شغلك بس فشلت انك تكون اب انا لو قولت مره معلش ده ابويا وما ينفعش اكرهه برجع واكرهك بدل المره الف
زقه معتز جامد وقال
طيب ومدام كده بقي يبقي غور اطلع من بيتي واياك تيجي تاني هنا
مريم حاولت توقفه وهي بټعيط
خلاص يا معتز هو ما يقصدش عشان خاطري
ما سمعش معتز منها وطرد انس بره البيت وقفل الباب ولما جات مريم تطلع زعق فيها وقال
معتز
ورحمة امي لو طلعتي ورااه لتبقي طالق مني بالتلاته
مريم پبكاء
منك لله بتخسرني عيالي
معتز بسخريه
عيالك هما فين عيالك دول انتي خربتيهم بدلعك يا هانم واحد راح يحبلي بنت مچرم والتاني بجح وصايع
مريم پحده
انا عيالي ما فيش احسن منهم العيب فيك انت
معتز بكل قسوي قال
انتي ما لكيش عيال واحد كنتي رميااه لنيره تربيه والتاني مش ابنك هو انتي هتكدبي وتصدقي
نزلت دموع مريم وقالت
انت كده بقي اللي كويس وما فيش منك يعني لا يا معتز انت اللي بتخسر وهيجي اليوم اللي هتكون فيه لوحدك من غيري انا وعيالي
سابته ومشيت وهو دخل البلكونه ودموعه نزلت بحزن وعند انس كان قاعد بعيط في عربيته ووهو بيكلم جني علي الوتساب وبعدين كلم اياد اللي رد عليه وقال
اياد
عايز ايه يا انس ممكن تسيبني في حالي دلوقتي
انس وهو بيمسح دموعه
حاضر هسيبك بس كنت عايز مفتاح اليخت بتاعك
اياد
انت مال صوتك طيب حصل ايه
انس
اخلص يا اياد هتديه ليا ولا اغور في اي داهيه تانيه
اياد
تعالي يا انس انا في اليخت اصلا وهاتلي معاك اكل
ابتسم انس ڠصب عنه وقال
حاضر وهجيبلنا موز باللبن
اياد
لا هو انا هستناك تجيبه ده انا جيبته المهم تعالي مستنيك يلا
قفل معاه اياد وراح علي طول عند اياد وكان بيكلم جني في الفون وقالها
انس
دقيقه يا جني خليكي معايا
وبص لاياد وقال
جيبت حواوشي وكريب فراخ وكولا
اياد
كولا تبع المقاطعه انت غبي
انس
ارميها في الزباله والله ما اخدت بالي المهم كل انت لحد ما اخلص مع جني
اياد
وليك نفس تحب واخوك متخزوق
انس
هنبقي انا وانت حرام وبعدين بطل قر انت اتخزوقت انا اخدت قلم سباعي من ابوك من بتوع زمان
اياد ضحك وقال
الحمد لله وخلعت بسرعه قبل مرحلة الضړب دي
ضحك انس وطلع بره وقال لجني
انس
معلش بس اخويا رغااي شويه
جني
بالعكس انتو ضحكتوني اصلا بس شوفت لما سمعت كلامي وكلمت اياد ارتحت ازاي
انس
لا علي فكره انا ارتحت بسببك انتي عارفه انا لولا اني كلمتك كان زماني عمال الف في الشارع بالعربيه واعيط بقي واغاني نكد وحاجه زفت
جني
لا لا جرب كده لما تكون مدايق تسمع قرآن وتبعد عن الاغاني
انس
تحت امرك يا باشا انا مش هقولك غير حاضر وبس
جني
طيب اسمع كلام اياد بقي وروح اتعشي وانا اكمل مذاكره
انس
بتذاكري ايه طيب
جني
بذاكر physics
انس
ما تقولي فيزيا يا جني لازمتها ايه الاليطه دي
جني ضحكت وقالت
روح يا انس شوف نفسك هتعمل ايه يلااا
وقفلت معاه وفضلت تذاكر وبعدين لقيت ان في رسايل علي الفون بتاعها ولما فتحتها لقيت ان جيلان بعتت صور ليها مع انس لما كانو مرتبطين وكانو قريبين اووي من بعض
جني بغيظ
اممممم ماشي يا جيلاان اصلا ولا فارق معايا
وقفلت الفون وبعدين رجعت فتحته وعملت بلوك لانس وقفلت الفون وراحت قغلت النور عشان تنام بس دخلت مامتها عندها وقالت
عزه
جني انتي صاحيه
جني
ايوه يا ماما في حاجه
عزه
عمك كلمني وقالي انه عايزك تروحي عنده البلد كام يوم انا هقوله مش فاضيه
جني
لا لا انا هبقي اكلمه واقوله وفي الاجازه هروحله
عزه
طيب وابقي حاولي تطلعي بعد كده من غيؤ الطرحه يا جني عشان مش هفضل سكتالك عليها كتيرانتي شعرك حلو اووي ليه مخبيااه
جني
عشان انا مش جيلان اللي حضرتك عايزاني اكون زيها
عزه
جيلان ياريتك ربعها البنت تبان اصغر منك وحلوه بس انا حظي زفت في بنتي اللي عايشه دور جدتي الله يرحمها
قالت كلامها وطلعت وجني فضلت ټعيط وفتحت الفون وشالت البلوك لانس اللي بعتلها رساله وقال فيها
انس
استقريتي انك فكيتي البلوك ولا هيرجع تاني
ضحكت جني وفضلت تتكلم معاه فس الشات وقبل ما تنام مسحت الصور اللي بعتتها ليها جيلان
بقلم الكاتبه رحاب القاضي
والساعه تلاته بعد نص الليل في الاسكندرية في بيت الدكتور بهاء كانت ملك واقفه علي السفره وماسكه الريبوت بتاع التلفزيون وبتغني بصوت عالي وبتقول
ملك
واديني سيبته وشوووفت اهوووو ما حصلش حااااجه والوضع فعلا ما اختلفش في اي حااااجه باكل واشرب واعمل كل حاااجه لا لا مش زعلاااانه وكئيبه
طلع بهاء من اوضه وهو ماسك الشبشب وحدفه عليها وزعق فيها وهو متعصب
بهاء
فضحتيني في العمااااااره ېخرب بيييت ابووووكي ايييه عايزه الناس تقول عليا مخلف رقاااصه
جريت ملك واتخبت ورا الكنبه وطلعت راسها وقالت
يا بابا بفرفشني وبغنيلي ده بدل ما تفرح اني بقيت مووف
اون من امجد حبيبي
بهااء
يعني موف اون ازاي واخر الجمله بتقولي امجد حبيبي
طلعت ملك وقفت جنبيه وقالت
اصله بصراحه يا بيبو وحشني اووي ده كان عليه حتت تثبيته بيثبتني بيها تخيل هو لسه بيرن عليا برغم اني عملاله بلوك تفتكر هيخطفني ويعتظي عليا ويجبرني اتجوزو ويابوووي علي الجمداان
مسكها بهاء من قفاها وقال
اكتمي خااالص ما اسمعش صوتك وادخلي اتخمدي وارحميني من دماغك دي
وقبل ما ترد عليه الباب خبط وراحت ملك تفتح بس مسكها بهاء من قفاها وقال
بهاء
اليوم كله الباب بيخبط ومش بيهون عليكي حتي تقولي مين ولما الباب خبط واحنا داخلين علي الفجر عايزه تفتحي
ملك
تصدق صح طيب تعالي نفتح سوا
بهاء
امشي غوري يا بت انتي من قداامي
راح بهاء فتح الباب واټصدم لما لقي ناني قدامه ودموعها علي وشها اتنفض پخوف وقال
بهاء
في ايه مالك في ايه انطقي
ملك جات وقالت
تعالي يا ناني انتي وحشاني اووي مالك بټعيطي ليه اكيد عشان وحشانا صح
دخلت ناني وبصت لبهاء بحزن وقالت
تعرف اللواء معتز كمال منين يا بابا
اتملت عيون بهاء دموع وقال
ااا انتي تت تعرفي الراجل ده منين
ناني پحده
ايه اللي حصل يخلي واحد زي ده يقول عليك مچرم ويهيني ويجرحني بسببك
مسكها بهاء من دراعها جامد وقال
انا عايز افهم انتي شوفتي الراجل ده فين انطقي
ناني بدموع
ابنه كك كنت هرتبط انا وابنه اياد وكان جاي اا
قبل ما تخلص كلامها نزل بهاء بايده علي وشها فوقعت علي الكنبه ونضارتها وقعت علي الارض
ملك پخوف
ليه يا بابا ليه كده حرام عليك
ونزلت علي الارض مسكت نضارة اختها وخلتها تلبسها وكانت ناني بتتنفض من الخۏف
بهاء پحده
بقي دي اخرة تربيتي ليكي وثقتي يا ناني مسافره تشتغلي يا هانم ولا رايحه تصاحبي وتحبي
ملك پبكاء
كفايه بقي يا بابا وبعدين ابن مين ده وليه اتعصبت كده لما سمعت اسمه
بهاء بعصبيه
ما اسمعش صوت واحده فيكم انا كام مالي ومالكم ما كنت سيبتكم واللي حصل حصل ده ايه الهم ده
قال كلامه وسابهم ودخل اوصته جاب مفتاح عربيته ونزل بسرعه وركب عربيته وفضل يعيط وقال
بهاء
حقك عليا يا ندي انا ما كانش قصدي امد ايدي عليها بس مش هتحمل لحظه واحده اعيشها وهما عارفين الحقيقه دول بناتي انا مش هتحمل انهم يبعدو عني
وبعدين ساق عربيته وطلع علي القاهره و
بقلم الكاتبه رحاب القاضي
وفي دبي كانت سما نايمه جنب محمد بس فجأه قامت وهي بتاخد نفسها بصعوبه ومحمد قام وقالها بقلق
محمد
في ايه ايه ده انتي
