رواية خطيبتي
بفرد شعري وانام بيتشبك اووي ومش بعرف اسرحه وبابا كان ممكن يسرحهولي انت بقي هتقدر تسرحهولي
خالد اتنهد بضيق وقال
طيب شعرك وما علينا الحمد لله اني شايفه اصلا ومتحاجبتيش بالمره ايه بقي البجامه دي في عروسه تلبس يوم دخلتها لجوزها بجامه
ملك پحده
ما هو لااااا لو فاكر اني هلبس الحاجات اللي جوه دي تبقي بتحلم ده انا كان بابا ينفخني وبعدين عيب وحرام
ثواني بس ثواني ملك هو انتي الډخله بالنسبالك ايه
ملك بتوتر
عيب يا خالد بتكسف
خالد
معلش انا برصو زي جوزك هاا ايه بقي
ملك ابتسمت وقالت
يعني بعد كتب الكتاب بتبوسني وبعدين بنام جنب بعض
خالد پصدمه
بس!
ملك
ايوه بس هو انت ما كنتش تعرف
خالد
لا هو مش انا بس اللي ما كنتش اعرف ده رجالة العالم كله مين بس باربي اللي باصصلي في ام الجوازه دي
في ايه يا خالد مالك ادايقت كده ليه
خالد
مدايق ايه ده في جلطه جايه في الطريق قوليلي هي اختك سما كانت متجوزه ما اتكلمتش معاكي في اي حاجه علي الجواز
ملك
لا طبعا دي قالتلي كل حاجه
خالد
ايوه بقي اومال في ايه يا ملوكه قالتلك ايه بقي
ملك
قالتلي انك بعد كده هتشخر وانت نايم وتصحيني من احلي نومه اعملك اكل و
بااس ياريتها ما قالت تعبت نفسها علي الفاضي الوليه
ملك
طيب واحنا هنعمل ايه دلوقتي انا جعانه
شالها خالد وقال
تعالي بس افهمك اهم حاجه في الجواز وبعدين هنبقي ناكل
ملك
نزلني يااااه والله جعاانه
خالد ضحك وقال
يااااه دلوقتي اومال فين يا بيبي ويا حبيبي بس انا عشقتك وانتي كده
بقلم الكاتبه رحاب القاضي
صفاء
كويس انك صحيتي تعالي يلا افطري عشان تاخدي العلاج بتاعك
نسمه بصت لامجد بطرف عينها وقالت
هفطر كمان شويه لوحدي
أمجد بجمود
ريحي نفسك يا ماما هي مش هتيجي
غير لما انا اقوم
قربت نسمه منه لأول مره برضاها ومن غير ما تتكسف او تخاف او جتي تعمل حساب لوجود صفاء وقالت بصوت واطي
برضو محمود درويش قال عندما تشعر بأنك أصبحت مصدر إزعاج و ضيق لشخص تحبه ابتعد قليلا إن سأل عنك فقد ظلمته و إن لم يسأل فارحل بهدوء
حاول أمجد ما يبتسم وقال
يعني ايه مش فاهم القصد من كلامك
نسمه بسخريه
مش عامل فيها مثقف افهمها بقي لوحدك
خلصت كلامها وقعدت تفطر وهما بيبو لبعض من تحت لتحت وصفاء كانت مبسوطه وهي مراقبه تصرفاتهمبس كالعاده مش بتكمل فرحة أمجد الباب خبط جامد ولما فتحت الشغاله دخلت الشرطه وصلت البيت
خير في ايه وازاي تدخلو كده بيتي انتو عارفين انا مين
الظابط
ايوه يا أمجد بيه عارفين بس في اذن من النيابه بالقبض عليك
أمجد بجمود
والسبب
الظابط
فوزي البحيري عم حضرتك قتل سونيا الرقاصه مراته وهرب والكل بيقول انكم كنتو ديما مع بعض الفتره اللي عدت
صفاء پخوف
لو سمحت مش معني انه كان معاه يبقي عمل الچريمه دي
أمجد
لو سمحتي يا ماما اهدي ما فيش حاجه تستدعي الخۏف وانا هروح اشوف الحوار واجي
الظابط
اتفضل معانا يا أمجد بيه
أمجد
اتفضل قدامي وانا جاي وراك بعربيتي
الظابط
بس يعني اا
أمجد پحده
قولت هاجي وراك بعربيتي زما تقلقش انا ما عملتش حاجه عشان اهرب
وفعلا مشي معاهم أمجد ونسمه قالت بقلق
نسمه
هو فوزي قتل ده ممكن اا
صفاء پخوف
اهدي انتي وبلاش تتوتري وحش للبنت انا هروح اكلم المحامي يروحله
بقلم الكاتبه رحاب القاضي
في الاوتيل قربت ملك من خالد وهو نايم وقالت
ملك
انت ياللي اسمك جوزي قووم
خالد بنوم
في ايه يا ملك علي الصبح
ملك بدموع
طلقني قووم طلقني يلاا
خالد
اقعدي يا ماما علي جنب عيب تقولي كده
ملك پحده
ما لهزرش طلقني انا اكتشفت كل حاجه بينك وبين أمجد
خالد بعدم فهم
بيني وبين أمجد انتي عبيطه يا ملك
عيطت ملك وفضلت تتكلم وخالد ما كانش فاهم منها اي حاجه وقال
خالد
امممم خلصتي والله ما فهمت ولا كلمه
ملك پحده
بقولك عرفت اللعبه اللي بينك وبين أمجد انا شوفته وهو بكلمك هو بقي قالك تتجوزني وتضحك عليا
خالد
ايه الدماغ دي يا ملك والله لو محششه مش هتطلع الأفلام دي
ملك
اومال ممكن افهم هو بيرن عليك ليه
خالد قام وهو بيدور علي التيشيرت بتاعه
شغل يا ملك فين التيشيرت اللي كان هنا
ملك بقلق
هاا ما اعرفش وبعدين ده تيشرت مش حلو
خالد قرب منها وقال
هو مش مهم اووي بس عملتي ايه بالتيشرت يا ملك
ملك بتوتر
قولت ألبس هدومك بعد ما اخد شاور زي الافلام وكده بس اتصل اووي فنشرته في البلكونه وما فيش مشابك هنا فا الهوا طيره
خالد اتنهد وقال
فين الموبيل يا ملك ولا ده كمان طار
ملك طلعت الفون بتاعه من جيب البجامه بتاعتها وقالت
ملك
لا ده تقيل ومش بيطير
خالد
وبيعمل ايه معاكي انتي بتقلبي في موبيلي ليه اصلا
ملك پبكاء
وفيها ايه مش جوزي ولازم اخد بالي منك لتكون مثلا
خالد
اوعي كده وروحي اجهزي عشان اوصلك البيت وبعدين اروح الشغل
ملك
شغل ايه انت مش اجازه
خالد وهو بيقرأ الرساله اللي بعتها ليه أمجد وكان مدايق جدا وقربت منه ملك وبصت في الفون وقالت
ملك
بعتلك ايه أمجد
بعد الفون عنها وقال
طلعي مناخيرك دي من شغلي الا شعلي يا ملك
ملك
بقي طيب طلقني
ذقها خالد وقال
العبي بعيد يا شاطره
وقبل ما ترد عليه الباب خبط وراحت تفتح وهي فاكره ان أخواتها هما اللي جم بس ما كانتش سما ولا ناني دي كانت امينه
ملك
نعم مين حضرتك
امينه بصتلها من فوق لتحت وقالت
انتي بقي اللي خطفتي جوزي مني
تفتكروا بقي ايه اللي هيحصل
بقلم الكاتبه رحاب القاضي
في السنتر اللي شغاله فيه سما
كانت داخله الحمام وفجأه لقيت حد زقها لجوه جامد لدرجة انها وقعت علي الارض واتألمت اووي
سما
انتي مين يا ست انتي وازاي تزقيني كدهده انتي يومك اسود
الست شمرت اكمامها هي واللي معاها وقالت بنظرات ناريه
الست
بقي انا يومي اسود اومال اللي انتي هتشوفه دلوقتي ده اسمه ايه
سما پخوف
انتو عايزين مني ايه والله اللي هتقربلي منكم هجيبها من شعرها
الست
اهدي كده با أموره احنا جاين نوصلك رساله من الهانم دي بحبك اووي وبتقولك انتي لا هتتهني بمحمد ولا بحاجه منه
خلصت كلامها وقربو من سما ومسكتها الست من شعرها وقفلت بوقها والتانيه فضلت ټضرب في في بطنها جامدلحد ما فقدت الوعي وسابوها واقعه علي الارض بتنذف وطلعو بسرعه
تفتكروا بقي ايه اللي هيحصل ومين اللي عمل كده في سما
يتبع
في الاوتيل اللي فيه ملك وخالد راحت ملك تفتح الباب اللي كان بيخبط ولقيت قدامها امينه اللي عي ما تعرفهاش وقالت
ملك
نعم مين حضرتك
بصتلها امينه من فوق لتحت وقالت
انتي بقي اللي خطفتي جوزي مني
ملك برقت وقالت
اوعي يكون اللي في بالي صح انتي ااا
دخلت امينه وقفلت الباب وقالت
ايوه انا اللي في بالك امينه طليقة جوزك
طلع خالد من الحمام وقال پصدمه
انتي ايه اللي جابك هنا يا امينه انتي اټجننتي ولا ايه
امينه بغيظ
ما انت حلو اهو وفاضي
تحب وتتجوز اومال ما كنتش بشوفك غير مره او مرتين في الشهر
ملك وهي بضحك
ما هو ما كانش فاضي كان بيشقطني وقتها من امجد
خالد پحده قالها
اخرسي يا ملك ما اسمعش صوتك
امينه پحده
وتسكت ليه سيبها تقولي الحقيقه
خالد
هو سؤال واضح انتي ايه اللي جابك هنا يا امينه دلوقتي
قبل ما ترد امينه قالت ملك
والنبي رد الاول علي السؤال اللي عندي انت ازاي يا ابني تسيب الوتكه دي وتتجوزني انا دي عندها مرتفعات ومنخفضات مش موجوده في امريكا
خالد بغيظ
بس يا ماما اسكتي بس يا عسل وانتي اتنيلي اطلعي بره يلاا
امينه
هطلع يا خالد بس الاول هقول للعروسه نصيحه هما كلهم كام يوم وهتبقي زي الكرسي اللي وراكي ده ومش هتشفيه غير كل فين وفين
ملك مسكت ايد خالد وقالت
انت امتي هتعمل كده انا بمۏت في الاهمال والعلاقه اللي فيها معاناه
ضحك خالد وقال لامينه
ههههه اخدتي الرد اتفضلي بقي من غير مطرود
اتعصبت امينه ومشيت وخالد قفل الباب ودخل وقف قدام ملك وقال
خالد
بصي ولا كأنك شوفتي حاجه اصلا ما تاخديش عليها
عيطت ملك وراحت قعدت علي الكنبه وراح خالد قعد جنبيها وقال
خالد
في ايييه يا ملك خلاص ما قولت مش هتتكرر تاني
ملك پبكاء
انت كنت متجوز البنت اللي احلي مني دي يا خالد
خالد
هي مش بالشكل يا ملك انا حبيتك انتي
ملك پحده
ايه مش بالشكل دي قصدك انها احلي مني ده بدل ما تقول انتي احلي يا حبيبتي
خالد قال بسرعه
طبعا يا قلبي انتي احلي بكتير
ملك پبكاء
انت كدااب عشان هي احلي مني وبيضه اوووي كمان هي نافخه صح اكيد نافخه وشافطه بس الطبيعي تحلي مش كده
كتم خالد ضحكته وقال
احمم ايوه طبعا يا ملك وبعدين انتي كده عجباني
ملك پحده
ايه انتي كده عجبااني قصدك ايه
خالد
والله العظيم مش قصدي حاجه غير اني شايفك في نظري احلي منها بكتير جدا
ملك پبكاء
سلامة نظرك يا خالد ده البت وتكه انت والله غبي ازاي تطلق البطل دي وتتجوزني وانا علي الله حكايتي كده
خالد بغيظ
ما انتي كفايه روحك الحلوه
ملك پحده
قصدك ايه ان شاء الله لا انت طلقني يلاا وديني لابوياااااا
خالد وقف وقال
تمام خليكي كده بقي لحد ما اروح اجيبلك ابوكي واجي
قال كلامه وراح يغير هدومه وملك راحت وراااه بسرعه وقال بفضول
ملك
خالوده انت رايح فين يا حبيبي
ضحك خالد وقال
هطفش منك يا حبيبتي
ملك
ما بهزرش بص انا شغلت دماغي ولقيت ان امجد بعتلك رساله وانت طالع فا اكيد رايحله
خالد
شغلتيها ليه يا ملك بس ما كنتي سبتيها نايمه
ملك پحده
بص من الاخر كده انت مش هتطلع من هنا غير لما اعرف امجد عايزك في ايه
خالد اتنهد وقال
بيساعدني في شغلي يا ملك امجد فعلا شخص كويس ومش وحش وقدم خدمات كتير جدا للبلد ضد ناس كتير مش كويسه
ملك
بااس عرفته امجد هو ابو عبيده صح
خالد حط ايده علي راسها وقال
ابوس ايدك يا شيخه ما تشغليش دماغك تاني خليها نايمه وخلينا مرتاحين
قال كلامه وجه يمشي بس ملك وقفت قصاده وقالت
ملك
مش هتتاخر معاك ساعه وتكون قدامي عشان نروح شقتنا
وقربت منه وباسته في خده وقالت
وخلي بالك من نفسك يا حبيبي
حضنها خالد وقاال
عرفتي بقي انا ليه بجبك يا ملك
ملك بعدم فهم
ليه بتحبني مش فاهمه
بعد عنها وقال بغيظ
عشان الغباء ده مش موجود عند اي ست وده نعمه بالنسبالي اوعي
قال كلامه ومشي وطلعت وراه ملك وهي بتجري وقالت
ملك
اوعي يا خالوده تنسي تجيبلي معاك حاجه حلوه
بصلها خالد بعصبيه وقال
انتي طالعه بالبجامه بره الاوضه يا حيوانه
ملك بسخرية
يا سلام يا اخويا مش ما كانتش عجباك البجامة امبارح و
جريت بسرعه جوه الاوضه لما لقيته رفع رجله عشان يقلع الجزمه وهو ضحك علي عفويتها ومشي
بقلم الكاتبه رحاب القاضي
في بيت اهل محمد كان نايم في اوضته وباباه قاعد بيتفرج علي التلفزيون في الصاله وطلعت ثريا من اوضتها وقالت
ثريا بقلق
الحق يا ايهاب شوفت اللي حصل
ايهاب بهدوء
ايه اللي حصل يا ثريا مصحيكي بدري اووي كده مين من صحابك مسكت منصب في الجمعيه بتاعتكم
ثريا
جمعية ايه دلوقتي انا
