قصه حقيقيه
كانت مكلبشة إيديها على إيديا أوي
كنت حاسه إني هيغمى عليا ومش قادرة أنطق ولا اتنفس وبحاول أفلت بايديا وهي عمالة تصرخ لغاية ما سكتت فجأه وابتسمت لي ونطقت بصوت قريب أوي من صوت أحمد وزي ما يكون بينهج أميرة!
وقتها كان جسمي كله بيتهز فعليا من الړعب وحاسه إن مافيش نقطة مياة في حلقي وريقي ناشف جدا ومش قادرة أنطق لما البنت سابت أيدها اليمين من إيدي وحسست على خدي الشمال وسمعت صوت أحمد بيتكلم تاني وهو بينهج وقال أنتي جميلة اوي يا أميرة لكن..
فاتمالكت نفسي وقلت بصوت متقطعأأأ ..أنا اللي عايزه أعرف..انت فين يا أحمد
ساعتها بدأ ينهج اكتر لما قال لكن أنا مش عارف!!
فكنت متلغبطة ومش مجمعه أي حاجة ومش عارفه أسأل إيه تاني وكل اللي حواليا كإنهم أموات
فسألته آخر مره كلمتك فيها كنت في شغلك رحت فين بعدها
فسكت لثواني والبنت عقدت حواجبها كأنه بيفتكر ورجع قال أنا إتغدر بيا يا أميرة..
رديت بسرعة تكون إيه
فالبنت بدأت تشهق كأنها مش قادرة تتنفس ووشها بدأ يزرق فسليمه نفخت في خمس شمعات جنب بعض
طفيتهم وسابت شمعه واحدة منورة وساعتها البنت فضلت تكح جامد أوي لغاية ما لفظت حاجه سودة أد حباية لب عباد الشمس ومجرد مانزلت على الارض ساحت واختفت وكإن الأرض شربتها
فقامت طنط سامية وقومت مامتها وبعدها قومت الحجه سليمه وخرجوا ناحية الأنتريه فكانت الحجه سليمه في وسطهم وهم ماشيين وتقريبا كانت بتفسرلهم اللي حصل..
ومجرد ما قعدنا ولقطت نفسي لقيت طنط ساميه بټعيط ومرميه في حضڼ مامتها في حين كنت انا زي المصډومة أو اللي مش فاهمه إيه اللي بيحصل أو إيه اللي حصل فسألتها معناه إيه الكلام دا يا تيتا
فبدأت الدموع تنزل من عينيا بتلقائية وأنا بقولها يعني كدا خلاص أحمد ماټ..
وساعتها صوتي اتخنق من البكا
ياحبيبتي إحنا لسه ما أتأكدناش لكن الحجة سليمة بتقول إن الرابط بينه وبينك رابط قوي وممكن يزورك تاني من غير جلسة تحضير طالما إحنا قوينا الرابط دا بحضوره النهارده وساعتها لازم نعرف هو فعلا اټقتل ولا لا ولو كده فمين اللي غدر بيه وآذاه وبلاش تحكي في سرنا دا مع أي حد لغاية مانشوف الحكاية هتخلص على إيه..وبعدها سابتني ورجعت لطنط ساميه وللحجه سليمة وفضلت أنا على توهتي وذهولي لغاية ما مشينا
يكون غاب لأي سبب ومسيره راجع أما دلوقتي فالهاجس العكسي اللي كان جوايا
