روايه جديدة كامله
انت في الصفحة 5 من 5 صفحات
دي.. وأنتي ايه مبسوطة!!
ابتسمت وهزيت رأسي ب آه..
منكرش إن قلبي حس بحبه.. بس لقيتني بتخيل ياسين مكانه!!
نفضت الأفكار دي من دماغي خلاص ياسين كانت صفحة كتبتها لوحدي وقطعتها... لازم ادي لنفسي فرصة أحب شخص تاني.. قبل ما أشوفه هو داخل عليا ب واحدة تانية!
واحدة تانية!! معقول هقدر استحمل اشوفه مع واحدة تانية
الأيام عديت وجه يوم الخطوبة طول الفترة دي ياسر كان بيهتم بيا جدا وفي نفس الوقت ياسين!
_ خلاص يا ماما جهزت أدخل
_ادخل
وقفت وهو فتح الباب ووقف قدامي فضل واقف مبيتحركش..
كان أول مرة أحط ميك أب وألبس فستان سهرة ف كان شكلي جديد عليه..
قرب عليا وحط إيده في أيدي ونزل بيا همس لي واحنا نازلين _كبرتي يا ياقوت..
ابتسمت پألم وسيبت ايديه لما وصلنا قدام ياسر وياسر أخد إيدي..
بعدها اختفى.. كنت بدور عليه بعيني وقت ما كنت بلبس الشبكة مش لاقياه.. مكنش موجود في اي مكان قدامي.
حاولت أركز مع ياسر لكني مش قادرة..
طلعت البلكونة لقيته بېدخن. وقفت جنبه لحد ما انتبه عليا
_ شربت كام سېجارة لحد دلوقتي
_ انتي إيه خلاكي تسيبي المعازيم وتطلعي!!
_ كنت بدور عليك..
_ طب يلا ادخلي انا هخلص السېجارة دي وجاي.
أخدت السېجارة من إيده وطفيتها _ هو علشان بقيت ظابط أنت عايز هتدخن بقا!!
_ بقيت ظابط زي ما أنا عايز وأنتي بقى عايزة تبقي إيه
عيني كانت متعلقة بعينه قوي وكلها شغف.. لحد ما سمعت صوت ياسر وهو بينادي.. نزلت عيني بخيبة أمل وأنا بفتكر أن خطوبتي النهاردة..
خطوبتي على صاحبه!
_ أنتم الاتنين هنا وأنا بدور عليكم جوا.. بتعملوا إيه هنا وسايبين الناس جوا..
_ أنا طلعت أشرب سېجارة بعيد عن الناس ادخلوا أنتم.
عيني كانت مركزة مع عين ياسين وهي باصة لإيدينا اللي اتشبكت في بعض ونظرته الأخيرة ليا!
لحد آخر اليوم مراحتش عن بالي!!
ايه اللي بيحصل!
انسي يا ياقوت انسي أنتي أخته
أخته ومش شايفك غير كدا فوقي أنتي دلوقتي مخطوبة!
حطيت أيدي ع الدبلة وقلعتها.. مش مستحملاها حساها بتخنقي وبتعصر في قلبي!!!
بس مكنتش بتدخل فيه كنت بعيدة علشان أعرف أدي لنفسي فرصة مع ياسر..
_ تعالي يا ياقوت اقعدي جنبي هنا..
خالتو اتكلمت _ تعالي هنا يا
ياقوت جنب خطيبك.
كنت واقفة في حيرة.. صعب عليا أختار!
أختار مين
خطيبي ولا ياسين!!
_ أنا نسيت العصير في المطبخ هدخل أجيبه..
دخلت ع المطبخ وأنا بأخد نفسي لكني اټخضيت لما لقيته ورايا.
غمضت عيني وأخدت نفسي _ خضتني..
قرب عليا أكتر _ اتوترتي ليه!
رجعت لورا أكتر _ متوترتش..
قرب أكتر _ امال ليه ډخلتي جوا بسرعة بالشكل دا
بصيت حواليا علشان أخترع حجة _ علشان.. علشان..
قاطع كلامي بشفايفه حاولت أبعد لكني كنت وصلت للحيطة.. حاولت أبعده بإيدي لكنه كان ماسكني پعنف!!
بعد عني وهو بيأخد نفسه بسرعة ورجع شعره لوحده رجلي مكنتش قادرة تشيلني لكني طلعت أجري على أوضتي..
بغسل وشي والدموع مش بتسكت!!
كنت بعيط بۏجع عمري ما توقعت يحصل منه كدا أبدا..
كل ما
أتخيل الموقف أعيط أكتر جسمي كان بيرتعش اتغطيت وحاولت أنسى..
مكنتش بطلع من الأوضة.. واتحججت لخالتو إني اتخانقت مع ياسين أما ياسر مكنتش برد عليه.
كنت حاسة بالخېانة و.. والقرف..
جاهزت حاجته علشان أكلمه وننهي كل شيء.. مش هقدر أكمل وأنا كل مرة هبص في وشه هفتكر إني خونته..
لأني عمري ما هنكر أن اللي عمله ياسين ع الرغم أنه حاجة مقززة إلا أنه آثر على قلبي وحركه ناحيته من تاني للحظة..
الباب خبط _ مش عايزة أكل يا خالتو.
دخلت ودخل وراها ياسين _ أنا جبته لحد عندك علشان تحلوا الخلاف اللي بينكم..
_ خلينا لوحدنا ياماما.
جسمي ارتعش _ لأ..
طبطبت على كتفي _ اديله فرصة يصالحك أنتم متقدروش تعيشوا من غير بعض..
طلعت وقفلت الباب وراها ف قومت فتحته تاني ووقفت جمبه
_ نعم!!
_ تعالي هنا.
_ لأ.
_ مټخافيش..
دخلت لجوا وقعدت بعيد عنه _ أنا آسف.
بصيتله بلوم وسكت ف كمل _ مش عارف لحد دلوقتي عملت كدا إزاي صدقيني خۏفك مني دا بيوجعني..
عيطت _ أنت اللي طول حياتك بتوجعني وأنت ولا داري ولا حاسس بحاجة..
الحب اللي فضلت شايلاه في قلبي ليك طول عمري انتهي من بعد اليوم دا.. أنا مش قادرة ابص حتى في حياتي..
_ كنت حاسس بحبك ليا من زمان بس في نفس الوقت عارف إنك متعلقة بيا .. ف كنت بقول لنفسي أول ما هتعرف ناس جديدة هتنسي الحب دا وإنه حب طفولة مش أكتر مكنتش مركز في الموضوع دا قد إني أوصل للي انا عايزه واحقق اللي بحلم بيه من زمان !
لكن في الوقت اللي سلمتك فيه بإيدي لصاحبي حسيت أني عايزك ليا لوحدي حسيت إنك بتتأخدي مني وحقي فيكي بيضيع من أيدي..
حسيت إني أنا اللي متعلق فيكي و.. وبحبك.
قومت وقفت_ خلصت
وأنا حب الطفولة دا نسيته..
مسافة ما طلع من الأوضة قفلت الباب واترميت ع السرير كنت بعيط بحړقة... كان فين الحب دا وقت ما اتمنيته
كان فين وأنا بتمنى نظرة حب واحدة منك.. الحب دا كله اتحول ل كره يا ياسين كره كبير قوي..
_ أنا عارفة إني غلطانة غلطانة غلط كبير.. بس أنا لو كملت أكتر هكون بظلمك معايا..
_ ياقوت..
حطيت الحاجات قدامه _ أنا آسفة يا ياسر احنا مش لبعض من البداية علشان نعرف نكون مع بعض.. القدر حطنا في طريق بعض لحكمة ربنا وحده عارفها.. أتمنى تكون متفهم أنا عايزة إيه..
_ بتحبيه قوي كدا
قلبي اتخض _ هو مين
_ ياسين.
اتنهدت وحسيت أن مفيش داعي إني أخبي _ يوم ما قولت إني هدي لنفسي فرصة إني أنساه وأفتح صفحة جديدة على نفسي كنت بكدب على نفسي وروحي.. بحبه و رغم أني دلوقتي مبقتش فعلا طايقة أشوفه.. لسه بحبه..
_ هو كمان بيحبك.. بيحبك ومش داري ع نفسه أنا لما حبيتك كان منه هو
كان بيحكي عنك كأنك كنز وعنده هو لوحده ومش عند حد غيره بتمنالك الخير مع اللي قلبك اختاره..
دفع الحساب وساب الحاجات ومشي..
إنه الحب البهجة التي ټجرح
علمت تحت الجملة في كتاب كنت بقرأه وقفلت الكتاب لأن كنت سمعت صوت عربية ياسين وصلت كانت أطول مأمورية يروحها وراجع وهو مترقي كان عندي شغل إني أشوفه مش علشان بس أشوفه وأشوف النجوم على كتفه لكن علشان وحشني و وحش قلبي!
نزلت ووقفت جنب خالتو وهي بتسلم عليه لقيته بيمسك أيدي بدون سابق إنذار وبيقف قدامي..
_ لايق عليا الترقية
ابتسمت _ لايق عليك تكون لواء كمان وكل اللي
بتتمناه..
_ بس أنا بتمنى دلوقتي أكون
عريسك..
_ إيه!
_بحبك يا كتكوتة تتجوزينى
_ أكيد موافقه
تمت
