روايه غيبيات تمر بالعشق (جميع الفصول كامله) بقلم مروه البطراوي
ايه لا ومش كده وبس
تحرك وجهه نحوها لتنظر إليه وعينيها تلمع قائلة أنا فعلا بدأت أشوف زيدان جديد قدامي والذكرى الۏحشة أثارها أكيد هتروح
ظل متسمرا بمكانه ينظر إلى الفراغ بذهول لتدور حوله وتستند بكفيها تتلمس ظهره بحنان مصطنع قائلة أفهم من سكوتك ده إن دي علامة الرضا ولا دي صدمة وأنت كنت بتعزم عليا عزومة مراكبية
اهتز من لمساتها التي أنتظرها كثيرا واستدار إليها يتكأ بكفيه على كتفيها يود أن يمتلكها قائلا الموضوع مش محتاج تفكير كل ما في الموضوع اني مش مصدق نفسي أنت بجد فجائتيني من لحظة ظهورك
وتنهد بعشق قائلا أه لو تعرفي كنت متعذب قد ايه
ثم تمايعت معه قائلة مش معني إن ماما ياسمين قالت انك لو حبيت تدخل معايا أوضة النوم يبقى تبوسني
ولكنه لم يتحمل طريقة حديثها العذبة وعزم على التهام وجنتيها هامسا بعذوبة في أذنيها قائلا مش قلتلك قبل كده أنا راجل حقاني وإن كل اللي بتعمليه فيا هيترد ليكي فاكرة بوسة النادي عند أمير ردتها
حاولت التملص منها ولكنه امتلكها بذراعه قائلا وحياتك عندي لأدفعهم تمن اللي عملوه معاكي في الماضي واخلي الحاضر والمستقبل ليكي
ثم استطرد پجنون قائلا أه لو تعرفي أنا كنت ضايع ازاي من غيرك
نظرت إليه نظرة صافية وسألته بتوجس قائلة هي مامتك محاولتش معاك في الفترة دي تجيبلك عروسة ولا توقع حد في طريقك يعني تلهيك عني مثلا
ابتسم زيدان بسخرية قائلا على أساس اني برياله مثلا صح أنت ليه مش مصدقه إن محدش يقدر يأثر عليا غيرك
ثم امتلكها قائلا أنت الوحيدة اللي لغيت معاكي كل حاجة
نظرت إليه بعتاب نظرة أفاقته وأعادته إلى ما فعله معها ليتنهد بعذاب قائلا عارف إني غلطت في حقك بس حتى اللي حصل ده من تأثيرك عليا دفعتيني للجنون
ثم اختنق صوته قائلا أسف يا ريحانة عارف يا ريحانة ان أسف ده مش هيمحي أثار عڼفي وجبروتي معاكي ومستعد لأي عقاپ منك
وتابع بانهزام مش هقولك تعويض
واستطرد بضعف قائلا لأني عارف إن كنوز الدنيا متسواش لحظه حلوة معاكي وعارف انك لما مشيتي رفصتي برجلك كل حاجة
ثم اختنق بعبراته قائلا مش قادر أعيش من غيرك حتى لو هتعيشي معايا كأني شخص مسؤول عنك وخلاص أنا مش هطمع وأقولك نبدأ من جديد لاني عارف اني ابتديت غلط ومديون ليكي
وتابع بسخرية قائلا ولأني عارف اني بضحك على نفسي أنت حقك
تقطعي صفحتي اللي في حياتك
شعرت ريحانة بأنه صادق بمشاعره واحتارت ماذا تفعل مع هذا الشخص أتريحه بما تحمله بداخلها أم تتركه في طيات عڈابه تنظر إلى عيناه المترجية لها وهو يقول عارف إنك موافقة ترجعي معايا وعارف إن هشوف أيام سودة على ايدك ومش هاممني لاني غلطت
توقف ثم ابتسم قائلا بس عايز أقولك حاجة أنا بعشقك
تاهت في أراضي الله وعلمت جيدا أنها لن تجد لها مكان أخر سوى الضياع فقد تم إنهاء حملها الغير شرعي حملها الذي تورطت به وحدها ولم ينفعها قصي أو شكران ولم ينفع أحد حتى من ارتكب هذه الخطيئه طغت على مثيلتها وقامت بالإيقاع والمكر و الخديعة وبالأخير الضياع علمت أنه سجين لدي زيدان وهذا ما أراحها ولكنها تود الفتك به وكيف لها الفتك به وهي تعلم متى أطلق سراحه سيبحث عنها ويصب غضبه عليها ولكن هي تعلم جيدا أن أنتقامه ليس منها وحدها سيكون من ريحانة هي الأخرى بعد أن أنقذها بعض الناس وقامت بعملية الإچهاض في مشفى حكومي وذلك بموجب
قسيمة زواجها من قصي والتي قامت بإنتشالها وقت هروبها ذهبت إلى والدها الذي علم بكل شئ وجدته منكس الرأس لا يستطيع رفع رأسه أمام أحد جلست على الأرض تنتحب برجاء قائلة علشان خاطري يا بابا أرجوك أناعارفة اني خاطيه ومهما اعتذرت منك ده مش هيرجع اللي فات
ثم تعالت شهقاتها قائلة بس أنا مليش غيرك أكمل حياتي ازاي
تحدث المعلم خاطر بصعوبة قائلا عايزة ايه بعد اللي عملتيه
تنهدت بعذاب قائلة أنا عايزة أفضل هنا يا بابا أعيش معاك مش عايزة أضيع تاني
وتابعت تسرد الماضي قائلة أنا ضيعت زمان لما صممت على زيدان علشان أخرج من توبي
اعتدل خاطر وقام بصفعها قائلا پغضب اللي كان في بطنك ده كان ابن مين يا زباله وكنت متجوزاه عرفي ولا ايه وعملها وهرب ولا كانت مرة وعدت
تحسست وجهها من الضړب قائلة كانت أول وأخر مرة أنا كنت مخطوبه لزيدان بس كان بيعاملني كأني واحد صاحبه عمره ما حسسني انه راجل في حياتي
ثم تابعت بحسرة قائلة بس ده حسسني اني مهمة بس أنا اللي مرضتش أخليه يتجوزني كنت عايزة زيدان علشانه غني لكن ده كان كحيتي زيى
بصق في وجهها قائلا حسسك بايه يا روح أمك وكنتي فرحانة وأنت بتخطي يا خاطيه
لطمت على خديها وضړبت الأرض بيدها قائلة ملحقتش أفرح قعد يسترجاني وكان عايزني أفسخ خطوبتي من زيدان بس كان فصله من الشغل وهو مش حيلته حاجة
أغمض خاطر عينيه پألم قائلا يعني كمان كان بيشتغل عنده هتفضلي طول عمرك غبية عرفتي ليه بقى شكران جابتك تحت ضرسها
ابتلعت ريقها بمرارة وهزت رأسها بحزن قائلة عرفت منها لله وقعتني في شباكها بس خلاص اتكشفت على قد المرار اللي أنا فيه بس فرحانة فيها بجد
عودة إلى ريحانة وزيدان
أنت تنتمين لي وأنا أنتمي إليكي أنت بسيطة حتى في غضبك أيعقل أن تكوني بمثل هذا الجمال حتى في معاملاتك أم أنك تخبئين شخص عڼيف بداخلك ولكن احذري مني فأنا حتى إن تم التغيير بداخلي فأنا طاغية وطغيت عليكي من قبل ترى أستنتقمين مني
ابتلع ريقه مجددا وأردف قائلا نفسي أصحى من النوم ألاقيكي جمبي أه أنامكنش ليا معاكي وقت كبير
توقف ثم ضحك قائلا بس بفتكر حتى خضتك من وشي الصبح وبتمنى لو ترجع تاني
كل هذا الحديث وهي صامتة وشاردة ولكنه تذكر شيئا هاما ماذا لو عادت معه فورا ووجدت
حالة الغرفة مثلما كانت عليه هنا عزم أمره على الهروب منها قائلا أنا واضح إن كلامي مش هيقدم ولا هيأخر عموما أنا مش هستسلم هفضل أجي هنا كل يوم
ثم نكس رأسه كأنه يخبئها قائلا وتحت أمرك في أي وقت لو حابة ترجعي
قطبت جبينها باستغراب ترى ما سبب تحوله من اللهفة عليها إلى الاستسلام وعدم الرغبة فيها وما أن وجدته يحاول الرحيل حتى استوقفته قائلة استنى عندك ممكن تفهمني معنى تحولك ده ايه إذا كان أنا لسه قايلالك هرجع معاك وهعتبر اللي حصل ولا كأنه حصل
واستطردت تضيق عينيها قائلة ايه خاېف أرجع
توتر زيدان قائلا خاېف ترجعي وأنا اخاڤ من ايه كل ما في الأمر إن مش عايز أضايقك كمان بفكر نرجع على شقتي
وبإرتباك أكثر قال علشان القصر وذكرياته الغم
ضيقت عينيها تحاول استشفاف ما يدور بخلده ليتنهد قائلا احنا نقعد فترة في شقتنا بعيد عن أي أحداث تضايقك وتضايقني ولما تهدي القصر تحت أمرك في أي وقت
وتابع يحاول اقناعها قائلا أناحابب تعيشي مرتاحة
رفعت كتفيها بقلة حيلة
ليبتلع ريقه قائلا أنا مش عايز الحزن يدخل قلبك من تاني أنت لو رجعتي معايا القصر دلوقتي الألم هيتجدد فيكي وأنا مش حابب ليكي كده
ثم زفر بتعب قائلا لأن عارف أنت قد ايه عانيتي
نظرت إليه بشك قائلة أنت في حاجة في القصر مش عايزني أشوفها يا زيدان شذى مثلا أنا عارفة انك أكيد ساعدتها وصعبانة عليك
ثم استطردت بتفهم لتنتفض نورا وتتنهد بلهفة ټحتضنها مجددا قائلة أخيرا يا ريحانة كل ده عتاب هو حقك بس احنا فين من ده كله يا ست هانم المفروض إنك عارفة أنت قد ايه وحشاني
واستطردت تضربها في صدرها قائلة ومع ذلك مفكرتيش تقوليلي أنت فين
لم تقابل نورا لهفتها
على ريحانة بالمثل بل تجاهلتها وذهبت إلى ياسمين تجلس بجوارها تتحدث باحترام وحب وحنان قائلة ماما ياسمين أنت قلتي ليا لو زيدان حابب يرجعك سيبيلي الموضوع ده وأنا تحت أمرك مش هامشي من هنا إلا بأوامر حضرتك
وتابعت وهي تنظر إلى نورا باستهزاء قائلة لأن خلاص بعتبرك أمي
زفرت نورا بحنق وهزت رأسها بيأس لتضيق ياسمين عينيها بخبث وهي تنظر إلى الجميع مربتة على يد ريحانة بحنان قائلة اللي أعرفه واللي قلته ليكي من لحظة ما جيتي هنا إن زيدان بيحبك ومحدش يضيع واحد بيحبه
وتابعت وهي تنظر إليه قائلة بعترف انه غلط بس أحيأنااحنا بنحتاج فرصة تانية
زفرت نورا وازدادت حنقا قائلة لا في ناس مش بتحتاج فرصة تانية ناس بتخون أنا عن نفسي مقدرش آمنهم نفسي على حد خاني قبل كده
ونظرت إلى ياسمين بكل حقد وتابعت قائلة وخان ثقتي فيه حتى
لو كان مين
نهضت ريحانة تهتف پغضب قائلة لا في يا نورا وأولهم أنت أنت اللي رسمتي خطة لزيدان علشان أتجوزه
ثم استطردت تسألها بضيق قائلة للدرجة دي مشاعري ولهفتي وخۏفي عليكي رخيصة
نظرت إليها نورا وإلى الجميع واختنقت لتقوم بنزع حقيبتها لكي ترحل ولكن استوقفتها ياسمين قائلة على فين العزم يا حيلتها
أنت هتفضلي هنا غصبن عنك يا اما مفيش جواز
توجهت نورا باصرار أكبر نحو الباب لتوقفها ياسمين پشماتة قائلة لعلمك دي أوامر وطلبات أمير قالي قبل ما يمشي لو أنت عايزاه تفضلي هنا
عقدت نورا ما بين حاجبيها قائلة كل ده اتفقتوا عليه وأنا في التواليت وأنت بتلوي دراعي صح كل ده طبعا تعجيز علشان مرتبطش بالإنسان اللي بحبه
قامت برمي حقيبتها بعناد قائلة طب ماشي يا ياسمين هانم أنا هقعد معاكي
ابتسمت إليها ياسمين ببرود لتغتاظ نورا قائلة ايه بطلت الحجة
