جوزي عايزني بقلم هويدا زغلول

لو هطلعوا شنط الاوضه فوق على فكره يا احمد كل حاجه مدفوعه ما تحاسبش على حاجه
احمد 
بجد مش عارفه اشكرك ازاي يا رحاب ميرسي ليكي كتير وبعدها مشيت 
ايه الطريقه اللي انت كلمتيها بيها دي ده انت ما حاطه عليها السلام اول كلامك معاها يبقى بالطريقه دي
رشا 
انت اللي مش شايف هي بتتكلم على جوزها ازاي وازاي تسلم 
احمد 
ارحميني وبطلي عقد احنا مش من المنطقه ان انت جايه منها أن السلام بالأيد مينفعش
رشا 
لا الموضوع مش منطقه خالص موضوع تربيه وبعدين ده مش كلامنا ولا كلام المنطقه زي ما انت ما بتقول ده كلام ربنا
احمد 
بقول لك ايه انا جايه انبسط يومين حلي عن دماغي بقى وبعدها طلع الاوضه ونزل 
عماد وكانت رحاب بتشرب سجاير
عماد 
هو انا قلت لك كم مره لما تحبي تشربي الزفت ده تشربي فوق في الاوضه شكلي ايه قدام الناس لما شايفاه مراتي كده بتشرب سېجاره
رحاب 
حبيبي احنا مش في الوراق منطقه اهلك عشان اتكسف وانا بشرب سېجاره وبعدين ما انت متجوزني وعارف ان انا بشرب سجاير
عماد 
واتفقنا يا رحاب ان احنا نشرب السچائر دي في البيت ما نشربهاش بره البيت
رحاب 
ارجوك ارحمني انا جايه افصل يومين مش جايه علشان اټخانق وبعدين لو نزل صاحبك دلوقتي يا احمد وشفنا بالمنظر ده هنقول ايه
عماد 
نفسي افهم انت كلمتيه ليه عشان يجي معانا احنا جايين نغير جو لمده يومين هو جاي ليه
رحاب 
بجد انا مش مصدقاك يعني المفروض انا عايزه اصحابك يبقوا جنبك انت بتتكلم معايا بالطريقه دي ده انت المفروض تكون مبسوط
عماد 
اكون مبسوط لما اكون مع مراتي لوحدي مش جايبه لي صاحبي
رحاب 
لا اقف عندك في الكلام انا جايبه صاحبك ومراته مش جايبه صاحبك بس وبجد انت لو فضلت 
تتكلم معايا بالطريقه دي انا همشي وهرجع 
عند اهلي انت سامع ولا لا وبعدها مشيت
وفي بيت حماتي راحت امي وبعدها دخلت 
عند حماتي
روحيه 
مساء الخير يا فاطمه عامله اي ياختي 
امال العيال فين انا طلعت مش لقيتهم 
فوق قلت اكيد هيكونوا موجودين عندك هنا
الحما 
لا يا حبيبتي دول سافروا يقضوا شهر العسل كويس انك جيتي عشان عايزه اتكلم معاكي في موضوع
روحيه 
تحت امرك يا حبيبتي انا قاعده وسامعاكي اهو
الحما 
انت عارفه ان ابني قد ايه طايش ممكن بعد ما اروح نبيع البيت ده والبيت ده كان عزيزه قوي على ابوه انا ناويه اكتبه باسم رشا
الام 
ايه الكلام اللي انت بتقولي عليه ده لا طبعا ما ينفعش كده انت مش عارفه جوزها لو عرف الكلام ده هيزعل ازاي
الحما 
يرزقني البيت ده يتباع بجد انا حاسه ان انا تعبانه جدا وعايزه اعمل الموضوع ده في اسرع وقت
الام 
بجد والله انا مش عارفه اقول لك ايه يا فاطمه في الموضوع ده على العموم مش وقته الكلام ده خالص اصبري لما رشا ترجع وبعدين ابقي
اتكلمي معاها
الحما 
انا بقول لك

بس علشان خاطر لو جرى لي حاجه لو بنتك فكرت ترجع البيت لاحمد اوعي تطوعيها ان هي تعمل كده ودي هتكون وصيتي معاكي
الام 
توصيه كبيره قوي والله العظيم انا مش عارفه اكون قدها ولا لا ع العموم ربنا يخليكي وافركي
بعيالهم وبعدين ياحبيبتي كل حاجه وليها 
علاج وباذن الله تكوني كويسه
وفي الاوضه اللي كنت فيها كنت لابسه مايو 
اسلامي ولقيت احمد بيقولي
احمد 
ايه القرف اللي انت لابسه ده هو انت فاكره نفسك في جمصه ولا ايه اللبس ده ممنوع 
هنا