روايه نور عيني(جميع الفصول كامله)

ما قمتيش لبست وجيتي هقول لكل الكاست اللي شغالين معانا انك تعبانه وهجيبهم وهاجي لك عشان بس املي عيني منك واشوفك واطمن عليك عشان ما ينفعش اليوم يعدي من غير ما اشوفك يا كده يا تيجي 
وخلي بالك انا مش بهدد انا بتكلم بجد انا مچنون وانتي ما تعرفينيش .
قامت من مكانها بسرعه وقالت له باعتراض
لا لا خلاص ما تقولش لحد نص ساعه بالكتير وهبقى موجوده.
فرح جدا ان هي سمعت كلامه وهتروح وقفلت معايا التليفون وطلعت وكانت في قمه الجمال وراحت على اللوكيشن وهو اول ما شافها راح عليها واتكلم بعيون كلها حب 
عايزك تبصي كده على المكان حواليكي هتلاقيه نور كده اول ما دخلتيه بجد ما لوش طعم من غيرك خالص وما كنتش عارف اقعد فيه لحظه واحده .
ابتسمت على كلامه ابتسامه من قلبها وردت عليه
يا ابني بطل بكش بقى سيبك من حوارات المخرجين والتثبيت بتاعهم ده .
بص جوه عيونها واتكلم بصدق
طب هتصدقيني لو قلت لك ان كل كلمه بقولها لك طالعه من قلبي وصادق فيها كويس جدا انت بجد من ساعه ما جيتي هنا والمكان بقى جميل وبقيت بحب الشغل بعد ما كنت بهرب منه وده يرجع لاني اتعلقت بيكي قوي يا نور مش هتحني بقى بقالي شهرين بتحايل عليكي .
اتنهدت بتوتر وتعب وخوف على خطوه ما حسبتلهاش وخاېفه تحطيها لكن لما شافت منه الاصرار عليها قررت ان هي هتدي لنفسها وليه فرصه القرب مش هتوقف حياتها ابدا وتستنى اللي عمره ما شافها ولا افكر فيها وردت عليه باحراج وتوتر
انا موافقه يعني اديك فرصه وتيجي تخطبني بس عايزه منك وصيه انك تخلي بالك من قلبي وما تجرحنيش علشان مش هستحمل چرحك ليا .
علي بقى واقف مش مصدق نفسه وعينه عماله تلف في المكان يمين وشمال من الفرحه انها اخيرا وافقت تدي لحبه فرصه واتكلم وهو مش مصدق
بجد معنى كلامك ان انت وافقتي وان انت حسيتي بيا اخيرا واننا خلاص هنرتبط يا نور
شاورت له براسها بمعنى انها موافقه راح هو مسك ايديها الاتنين وقال لها وهو بيبص جوه عيونها
انا النهارده اسعد انسان في الكون علشان حبيبتي وافقت انها تديني قلبها ووثقت فيا وانا بوعد قلبها اني عمري ما هتخلى عنه ابدا بحبك يا نور لا مش بحبك ده انا بعشقك .
سمعوا صوت جاي من وراهم خلاهم الاتنين خرجوا من حاله الحب اللي هم كانوا عايشين فيها وهو داخل عليهم زي الاعصار وبيشيل ايده من ايديها پعنف وبيقول لهم
الله الله الله على عصافير الكناريا اللي الحب دوبهم فهميني دلوقتي يا ست هانم ايه اللي بيحصل ده يا اما
هقلب المكان ده عليه واطيه مش هيحصل لك طيب 
بصيت له نور پعنف واتكلمت معاه پحده
وانت مالك انت تتدخل في اللي ما لكش فيه ليه وانت ازاي ټقتحم خصوصيتنا بالطريقه دي
ما قدرش يستوعب ان نور تتكلم معايا بالطريقه دي وقال لها بحزن باين على معالم وشه
انت بتقولي لي انا كده يا نور!
بتقولي لادم الكلام ده لآدم حبيبك اللي جاي لك علشان خاطر يعترف لك انه جاب اخره وان الشوق جابوا لحد عندك يعتذر وندمان .
في اللحظه دي عرفت كويس جدا ان هي فعلا ما بقتش عايزاه وفي اللحظه دي برده اتاكدت ان كرامتها اللي رميتها تحت رجليه سنين بحالها هتترفع دلوقتي بعد ما
كانت متهانه وردت عليه وراسها مرفوعه
اه بقول لك انت الكلام ده واعيه جدا انا
بقول ايه نور الهبله اللي ياما ارتمت قدامك وهي بتعترف لك بحبها وانت صديتها بدل المره مليون شكل ما يكون ربنا اللي عمل كده عشان تكشف انها مش بتحبك طلع ان احنا ساعات بنفكر اننا بنفهم قوي في مشاعرنا اتاري المشاعر ساعات بتخوف وتودي صاحبها لمكان مش بتاعه انا دلوقتي وكامل جوايا العقليه بقول لك انا مش عايزاك في حياتي
وبصت على علي وهي بتبتسم له وكملت كلامها
انا اخترت علي وعايزاه ومش عايزه غيره علشان هو اللي كان جنبي وقت ما كنت محتاجه حد يقف جنبي وهو اللي حس بيا وحبني وامن بوجودي وعافر عشاني شهور علشان بس ارضى ان احنا نرتبط ارتباط على الماشي يخليني اعرفه وساعتها احكم شفت قلبه كبير ازاي فعايزني انا افرط في القلب ده والحب ده علشان خاطر اجري وري وهم كذاب .
ادم اتالم جدا وما كانش متوقع ان هو هيخسرها في يوم من الايام كان مفكرها مضمونه ودي عادت الانسان تكون الحاجه قدامه ويستهون بيها ويفكر ان هي مضمونه 100 ويفرط فيها ولما تضيع من بين ايديه يندم 
اما علي لما سمع منها الكلام ده ما استناش رد ادم عليها وبصلها واتكلم قدامه
انت بالنسبه لي اجمل حد قابلته في حياتي رغم كل اللي قابلتهم ما فيش غيرك قدرت تمتلك قلبي واوعدك من كل قلبي اني هكون ليكي زي ما بتتمني واكتر وعمرك ما هتندمي انك اخترتي قلب حبك وعايزك يا عمري انا .
ابتسمت له والمره دي ردت عليه من كل قلبها
انا واثقه من كده يا علي الناس بتبان معادنها من اول كلمه ومن اول موقف وانا اخترتك اخترت الصح .
ومشي ادم وهو مكسور لما شافهم هم الاتنين بيتكلموا مع بعض بكل الحب وكانه مش موجود وفي اللحظه دي عرف انه كان غبي ومتهور لما رفضها بدل المره ألف وضړب على دركسيون العربيه پغضب واتكلم بصوت عالي
خسرتها وضيعتها من ايدك ولما اتاكدت انها مش هتكرر محاولتها تاني معاك وتعرض نفسها عليك واستكبرت عليها شهور وشهور ضاعت من ايدك تستاهل ما تكونش في حياتك تستاهل ما تبقاش ليك .
وهي دي حياتنا لما يكون قدامنا حد بيحبنا ما نفرطش فيه لان الحب دلوقتي بقى عمله نادره وجوده في حياتنا بقى صعب بل مستحيل في وقت ما حدش بيحب الخير لحد في وقت كله عايز يبقى الاقوى يبقى الاذكى يبقى الاصح في وقت كله بيقول يلا نفسي والاخرين ما لهمش مكان .