كارمن الحلقه السابعه
كل مكان حوله اشعل الانوار ونظر حوله باشتياق لم يتغير شئ! كل شئ كما هو منذ ان رتبته هي بيديها. مسد بيديه فوق الاثاث وهو يسير بداخل الشقة ويتذكر كيف تم زواجهما. .
اخذته الذكريات الي الماضي عندما قرر اخبار عائلته برغبته في الزواج من كارمن. ذهب إلى غرفة جده وجلس امامه وتحدث بتوتر
انا عايز اتكلم مع حضرتك في موضوع مهم.
في بنت انا عرفتها من فترة.. البنت دي كويسه جدا وفي بينا مشاعر متبادلة.. انا بحبها من كل قلبي وبتمنى تكون مراتي بشرع ربنا.
ابتسم جده بسعادة وتحدث بحماس
ده احلى خبر انا ممكن اسمعه النهاردة متعرفش انا كنت بتمنى قد ايه اليوم اللي تيجي وتقولي فيه انك هتتجوز وتحقق امنيتي واشوف عيالك قبل ما اموت.
ربنا يخليك لينا ان شاء الله يا جدي وتشوف عيالنا وتجوزهم كمان.
لاحظ جده توتره الزائد وحدق به باهتمام متساءلا
في ايه يا رشيد! من اول ما قعدت قدامي وانا حاسس ان في حاجة عايز تقولها ومتردد
أومأ برأسه بالايجاب
فعلا يا جدي في حاجة عايز اقولها ومش عارف اقولها ازاي!
اتكلم يا رشيد وبدون مقدمات.
نظر الي جده واردف بهدوء
البنت اللي انا بحبها.. اكتشفت من فترة انها تبقى
تابعه جده بفضول وشعر ان هناك شئ هام للغاية يريد حفيده اخباره به ولا يستطيع اخباره بسهوله انتظر ان يتابع رشيد حديثه براحة ودون ضغط زفر رشيد من توتره الزائد واضاف مسرع في الحديث
اكتشفت انها تبقى بنت الست اللي بابا اتجوزها.
دول عصابة بقى!.. يعني البنت تلف عليك ومامتها تلف على باباك!
وقف رشيد معترضا على اتهام جده لحبيبته وتحدث بثقة
لا يا جدي.. كارمن مش زي مامتها ابدا ومتعرفش حاجة عن افعالها.
ضحك جده ساخرا وتحدث بصرامة
دي شكل البنت طلعت اشطر من مامتها انا مش مصدق انها قدرت تخدعك وتقنعك انها غير مامتها!
لو سمحت يا جدي بلاش تتكلم عنها بالطريقة دي.. كارمن غير مامتها وانا واثق فيها.
نظر اليه جده پصدمة اعتقد ان تلك الفتاة استطاعت السيطرة بمكرها وكيدها على حفيده هز رأسه بذهول قائلا
انا مش مصدق اللي انا بسمعه منك دلوقتي يا رشيد! ازاي تثق في بنت مامتها نصابه وبتستغل الرجاله وتاخد فلوسهم!
بثق فيها عشان هي غير مامتها.
اشتد ڠضب الجد من اصرار حفيده على تلك الفتاة ارتفع صوته قليلا قائلا بصرامة
وانا مستحيل هوافق على العلاقة دي ووالدتك لو عرفت حاجة زي كده مش بعيد ټموت فيها.
حدق بجده پصدمة تركه جده وذهب دون اضافة كلمة اخري وقف رشيد يفكر بحزن ماذا سيفعل الان هل سيترك حبيبته من اجل عائلته ام سيحارب الجميع من أجلها. كان عليه الانتظار حتى تنتهي كارمن من دراستها ربما يتغير شئ ويستطيع اقناع والدتها وعائلته بالزواج منها. هي بالسنة الأولى لها بالجامعة وامامهما الوقت الكافي حتى تنتهي من دراستها وفي هذا الوقت يمكنه اقناعهم بالزواج. لكن ما حدث كان خارج توقعات رشيد!
بعد عدة ايام من حديثه مع جده ورفضه القاطع على هذا الزواج..
كان رشيد بعمله جائته مكالمة من كارمن استمع الي
