كارمن الفصل الثاني عشر الكاتبة_ملك_إبراهيم
بنضف معاكي الشقه وارتبها معاكي!
اجابته بثقة على فكرة كل الرجالة المتجوزين بيعملوا كده واكتر كمان.
صدح صوت خالد عاليا وهو يقف بينهما ويستمع الي حديثهما
بس خلااااص..
نظر اليهما پصدمة واضاف
مسح وتنضيف ايه! وترتيب شقة ايه اللي انتوا بتتكلموا فيه!
ابتعد رشيد عنها واشار عليها پغضب قائلا
هي دايما كده مفيش فايدة فيها!
انت بتجيب كل حاجة عليا انا ليه!
صړخ خالد بينهما
خلااااص انا اللي غلطان.
ثم تحدث الي رشيد
خلينا نقفل المحضر ده يا رشيد عشان كارمن تروح.
نظرت اليه كارمن پصدمة قائلة بفضول
محضر ايه!
نظر اليها خالد بتوتر ثم نظر الي رشيد. اجابها رشيد ببرود
محضر وخلاص.
اقترب رشيد من خالد ووقع على محضر التنازل وقفت كارمن تنظر اليهما بدهشة طلب خالد توقيعها ثم تحدث اليها بهدوء
نظرت اليهما بدهشة خفض رشيد وجهه وهو يتعمد انشغاله بهاتفه وقفت تتطلع اليهما بستغراب ثم ذهبت دون اضافة اي حديث.
رفع رشيد عينيه بعيدا عن هاتفه بعد خروجها نظر الي الباب وزفر بتعب. اقترب منه خالد وتحدث اليه بثقة
في حاجة غلط يا رشيد!
واحدة بشخصية كارمن اللي انا شوفتها قدامي دلوقتي دي.. مستحيل تخونك وتشارك مچرم زي سعد بشار في خطته!
أومأ رشيد برأسه بتأكيد قائلا له
هو ده بقى يا خالد اللي تاعبني.. انت شوفتها واتعاملت معاها كام ساعه بس ومش مصدق انها تعمل كده.. انا بقى المفروض اعمل ايه وهي مراتي وعشت معاها تحت سقف واحد وبقيت اعرفها اكتر ما هي تعرف نفسها!
عقلي مش قادر يستوعب لحد دلوقتي ان كارمن ممكن تعمل فيا كده! وانا اكيد مش غبي لدرجة اني اتخدع في شخصيتها.. يعني رغم السنين اللي عدت علينا وكارمن هي هي متغيرتش! لسه رقيقه وپتبكي من اقل حاجة زي الاطفال!
ابتسم خالد وهو يستمع اليه ثم تحدث اليه بهدوء
هي فعلا غريبة اوي.. واكتر حاجة استغربتها انها بتتحول لطفلة فعلا في وجودك.. بحس انها بتتعامل معاك وكأنك باباها!
انا دايما كنت بحس اني مسؤول عنها.. كارمن اتحرمت من باباها وهي طفلة ومامتها كانت طول الوقت بعيدة عنها.. كارمن كانت دايما محتاجة للحنان والاحتواء وده اللي كنت بحاول اعوضها عنه.
تحدث خالد بثقة
يبقى اكيد في سبب قوي اجبرها تعمل كده! او يمكن احنا فهمنا غلط..
بس هنكون فهمنا غلط ازاي وانا شوفتها بنفسي لما كانت خارجة من السچن ولما سألت عن اسمها عرفت انها كانت بتزور سعد بشار!
زفر رشيد بتعب وتحدث هو الاخر بحيرة
وكل حاجة عملتها في الفترة اللي اتقبض عليا فيها كانت بتثبت انها عملت كده فعلا! ايه اللي منعها تزورني ولو مرة واحدة ليه اختفت هي ووالدتها ومظهروش غير بعد اربع سنين دا غير حالة الفقر اللي وصلوا لها! في الف سؤال ومش لاقي اجابة تريح قلبي! نفسي اتأكد هي خاينه ولا مظلومة نفسي اقدر اخد قرار.. ابعد عنها وانساها ولا اسامحها واكمل معاها.
نظر اليه خالد بحزن واجابه بحيرة
بصراحة الله يكون في عونك يا رشيد.. انا مش عارف انا لو مكانك كنت هتصرف ازاي!
نظر اليه رشيد وتحدث
انا في لحظة خسړت كل حاجه يا خالد ومبقاش في حاجة اخسرها.. الاربع سنين
